قصه وقصيده

[تراب فاخر]

كان ياماكان لاكن ليس مبطي حيل كانت توجد قبيله يميزها عن غيرها لاشي ومازالت موجوده ولازالت لايميزها شي المهم افراد هذه العصابه عفوا القبيله يسكن بعضهم في جزيرة يقال لها(الصيخومه)والجزء الباقي في منطقه نائيه عن كل ماتحتاجه النفس الكريمه من مبادىء وقيم ويقال لها (ثعور) بسكون العين والفتحه للواو

فشاءت الاقدار ان ياتي احد ابناء القبيله من ساكنينين الصيخومه ليعمل مدرسا في ثعور بعد ان بذل جهدا في ان يجعل التعيين يكون في ثعور من واسطات وما الى ذلك ظنا منه انه يكون عند الجماعه اشوا من غيرهم
وهو شاب حديث عهد بزاوج ومن الطبيعي ان يدق سلف كل اربعاء لو انه انا كان غبت من الاثنين المهم انا مادري وش دخلني
هنا كان التدخل السريع
اتاني اثنين ممن طيح الله صبغهم من افراد هذه القبيله يريدون قصيده تعليق ومسخره لكي يتعللوا في بيت الشعر اللي كان على خط الجديده ليتهم ولوا معه
المهم قلبتها ودرتها فانا لست ادات استخدام بين يدين من كانت دلته مخدومه اساسا

سالتهم طيب هذا ابن عمنا وانا شخصيا ما اعرفه ولادري بعذاريبه عشان نظبط فيه القصيده قال الدلخ الاول اكتب انه كل يوم يجي يتغدى ياعندى ياعند فلان والثاني يقول اكتب انه كل اربعا شالع للصيخومه
فقلت اسمعوا انا اصلا مبطي ماني مدانيكم ياهالجوز مبطي وادي انكم اوطى من الواطي اهل حش ونش لاكن ماراح اردكم انتم تبون القصيده فيه وجت بكم من حيث ان العذاريب اللي ذكرتوها ليست عذاريب بل على العكس فخر للرجل ان يذهب الى اهله ويشتاق مو انتم يانياق احسن من الحرام ووووووووو
وبالنسبه انه يجي على غدا وعشى المفروض انتم لو كنتم رجال ماتكلون اذا ماحضر هذا دمك ولحمك يامال الموت لاكن سلموا عليه وقولوا له



اليوم ماهو خوي لامس
شيهانته شفتها بومه
يومن به المغسله بالمس
راح الغدير ومعه يومه
وقت لك الله حمسني حمس
يشري الستر بايع هدومه
عليك انتخابي الخبل يالنمس
وانا فزعتي عاد مقسومه
معي جن يهمس بالسوالف همس
اقشر شكل ياحلو علومه
قال ابن عمك يعادل خمس
من جاه مايشكي همومه
بس البلا حوله من الانس
من دلالهم دوم مخدومه
وياقاك رب يدير الشمس
من عرعر ليا حد قيصومه