قصة الشايب المغرور

[تراب فاخر]

في ذات يوم بينما اصدقاء والدي كانوا مجتمعين كعادتهم في مايسمونه فنجال الضحى ويستمر من بعد صلاة الفجر الى اذان الظهر وكان من بينهم شايب متغطرس يشيب من حوله فكل من هو اصغر منه سنا في نظره يجب عليه الا يناقشه ولايرادده .

كثير الانتقاد لو قلت له مرحبا قال إوخذ ياجيل هالوقت حتى سلامهم رخو؟؟؟

وكل ماقام وقعد وش فهمكم بالدنيا ترى دسم تمايمكم للحين بيدينا ياولدي وكل ماهذا يتمدى في الغرور والغطرسه الى ان اجبرني ان ادغدغ مشاعره في بعض الابيات :

يالابس اربع ثياب" صوف

ابي أقلبك ورع" من عيالي

ابعطيك دنياك ذي بوصوف

لك ماظن تطري على بالي

دنياك هاذي تقول رفوف

بها أحد" تحت وأحد" عالي

ناس"تاكل وناس تشوف

وكل" على ما فعل نآلي

للذيب عاده بها معروف

ما يسكن إلا على جالي

ماجابها خايف وملقوف

ولاجت مع اللي به خبالي

البعض لاطاح طاح وقوف

والبعض ماتجره حبالي

العمر ماينقصر بالخوف

وان قصر بالخوف ماطالي

الوقت ماهو بوقت سيوف

برق السيوف اصبح ريالي

احدن ياكل حلال ضعوف

والعذر مامن لها والي

واحدن يبيع العمر لضيوف

يرجي بها نعم تنقالي




نفس التراب النادر