أضحك وفيني للمواجع..مقابر !!

[برقا سرا]

ياشينها لاطاح " دمع الأكابر " ..!!
ياهي كبيره في " عيون العصافير" ..
هذا [ الزمن ] بعيون الأيتام غابر ..
وفي عين من عاش [ الترف ] هالزمن غير

ياللي [ طعونك ] تقتلك لاتكابر..
لاتعتذر ../ مليت كذب المعاذير
[ شفني ] وتعرف كيف لاقيل صابر
[ شفني ] وتعرف ويش تعني مقادير

اضحك وفيني للمواجع .. / مقابر
ابكي وضحكي "ذنب" والدمع تكفير
اكتب و [ دمعي ] صار حبر المحابر
ويخون في صدري للأوجاع [ تعبير ]

( أنا / أنا ) على مثل منت خابر
بس / .. الزمن له باكثر الخلق تأثير
"عابر شمالي " ../ شح بي وقت عابر
واشح بدموعي عن الناس " يامير" ..

اهمس وصوتي تشتهيه [ المنابر ]
ويضج صدري " طعنتين ومسامير"
الحب لابو.. الحب ../ مقطوع دابر
ماهي قضية (خنجرين ومخاسير)..!!

شيء [ انكسر] ماله مع الوقت جابر
وخل الجروح اللي [ بصدري ] مسايير
ماقلتلك [ هالحزن ] فيني مثابر..؟
وصدري ../ ( قفص حزني ) و (قلبي به الطير)..!؟

بالله قل لي ../ كيف ودك اكابر..؟
كيف اعتذر / .. واحكي عن الدمع تبرير ..؟
ماقلتلك ...؟ لو طاح دمع الأكابر ..
.. / ( ياهي كبيره في عيون العصافير ) ..





مماراااق ليـ،،،

[نايف العميم]

وراق لي كذلك ,يعطيك العافية.

[بــــدر*]

اختيار عذب ورائع وانا راق لي :)

[روحي تحبك]

يعطبك العافيه اختيار موفق

[عبدالعزيز السلطاني]

قصيدة جميلة جدا تشكر برقا سرا ونريد منك المزيد

[بــــدر*]

دائما اعود واقراء هذه القصيده
لم اصل لمرحلة التشبع بل انني
كل ما قراتها ازاد اعجاب بها
واشتياق بان اقرائها مره اخري
واعلم انني ساعود ايضا لاقرائها ..
تثبت لقربها لقلب بدر

[ابو بسام]

توقف شعر الراس هالقصيده
من روعتها وجمالها

[الشـــوق]

اضحك وفيني للمواجع .. / مقابر
ابكي وضحكي "ذنب" والدمع تكفير
اكتب و [ دمعي ] صار حبر المحابر
ويخون في صدري للأوجاع [ تعبير ]


صح لساااااانك

الشــــــــوق

[محمد الشحوم]

فعلا رائعه القصيده بس من كاتبها ؟؟

[الجارح]

قصيده لاملك ان اقول الا انها روعه


مشكور على النقل المميز

[اميرة بكلمتي]

صح لساااان قايلها
يعطيك العافيه على النقل الاكتر من رائع...
تقبل مروري