قصـة طالب الجامعه..لاتفوتكم .. (^_~). [الأرشيف]

شبل الثوارين

11-25-2008, 06:03 AM

كان هذا الطالب الجامعي..
يدرس في احدى الجامعات(اكيد جامعي يدرس بجامعه اجل وين يعني؟)....
الزبده هذا الطالب قصته قصه وصدقوني انا اذهلتني هالقصه..
وعن جد اعجبتني وحبيتها ...
تعالوا نبحر مع هذا الطالب في مركبه..
ونرى ماهي سالفته(خبص لغه عربيه فصحى وعاميه ايه الله يعين),,,,
الطالب هذا كان مجتهد(دافور)..
بس فيه حاجه تعيبه وهي النوم في وقت محاضرت الرياضيات..
كل مادخل دكتور الرياضيات هالليد حط راسه وشخري لين مايروح الدكتور..
وكان الطالب يحب الدراسه ..
ومعدله دايم مرتفع..(ماشالله عليه)..
مره من المرات . ..
وفي يوم من الايام...
وفي وقت محاضرة الرياضيات ذات زمان..
جاء هالطالب سهران الليل ..
وخش المحاضره وهو يطالع الدكتور بعين ومغمض عين(والله مادري شلون تجي بس مشوها)..
المهم من بدا الدكتور شرح...
الا خوينا الطالب في سابع نومه...
وصل دوار الساعه>>ومن دوار الساعه الى برج ايفل ومن برج ايفل الى برج بيزا المائل...
خلصت المحاضره..
وانتهى الوقت..
وطلع الدكتور..
ومشوا الطلاب ومابقى الا هالطالب نايم على طاولته..
فجأه,,,
صحى الطالب ..
ألا ماحد حوله..
لحاله والناس كلهم ماشين..
وصدفه التفت للسبوره ولقى ثلاث مسائل رياضيه موجوده عليها....
يعني السبوره ممسوحه ومافيه الا هالثلاث مسائل..
اخونا في الله كتب هالمسائل في دفتره على اساس انهن واجب او اختبار..
وطلع ...
وهو في البيت..
دقق في المسائل الثلاثه..
الا اول مره يشوفهن..
ولا عمره سمع فيهن..
بس الليد عنده اصرار وكفاح ماتتصورونه...
واخذ وعد على نفسه مايحضر ولا محاضرة رياضيات الا لما يحل هالمسائل الثلاثه..
ومثل ماقلتلكم الطالب طموح ومجتهد..
وانشغل الطالب حوالي اسبوع..
وهو يبحث في المصادر..
ومن مكتبه الى مكتبه..
ومن كتاب الى كتاب..
ومن قاعده الى قاعده..
والرجال عافس نومه ومخرب جدوله وشاد حيله بس عشان يحل هالمسائل..
وجاء الوقت اللي وصل الى حل جميع المسائل...
ووقت محاضرة الرياضيات ...
دخل الطالب على الدكتور معصب..
ومرتفع ضغطه..
ويقول للدكتور:انت معطينا مسائل صعبه ومرهقه ولاعمرك شرحتها ولا عطيتنا اي خلفيه عنها.
ورمى اوراق حل المسائل على طاولة الدكتور..
والدكتور اصابته حاله من الذهول..
وتعجب من تصرف الطالب..
اخذ الدكتور الاوراق..
ودقق فيهن..
وقلبهن>>يمين يسار..
وهنا انصدم الدكتور ومن زود الصدمه راح جاب دكاتره في نفس مادة الرياضيات...
وراجعوا الاوراق وحل المسائل..
الا كل شي تمام ..
وخطوات الحل والقواعد سليمه..
ولافيها اي خلل..
ولا خطأ...
وراح خوينا الدكتور للطالب وسأله اذا احد بروفيسور ساعده في الحل او شي..
الا الطالب يقول هذا حلي وتعبي وانا اللي عانيت الى ماتوصلت لحلهن..
وهنا الدكتور تبسم واطلق التحيه لهذا الطالب المثابر..
تدرون وش سر التحيه والابتسامه..؟
الدكتور كان حاط المسائل للطلاب على السبوره على اساس مالهن حل..
ولم يتوصل احد لا من قريب ولا من بعيد الى حلهن..
وبتعبير ادق مستحيلات الحل..
وخوينا الطالب يعتقد ان المسائل مطلوبات واجب ...
وماكان من الدكتور الا ان اخذ اوراق الحل..
ووضعهن في برواز وركزهن في مقر الجامعه والى الآن تدرس حلول الطالب للمسائل الثلاثه في الجامعات الامريكيه ...
توته توته>>انتهت الحدوته..
وش رايكم لا تقولون مااعجبتكم ترى اتحطم...:d
وانتظروا جديدي...