هديه للرائع حسين الهادى

[هادي مره]

السلام عليكم ورحمة الله وبركاته
احبتى والغالين نحن في هذا المنتدى العامر تجمعنا المحبه والالفه والامتاع
وهنا في هذه الصفحه اقدم لاخينا الرائع والنشط و الرجل المحترم اخونا الغالي : حسين الهادى
كم امتعنا بردوده وتعليقاته الجميله والاجمل والاحلى شخصيته المحترمه والمحببه لدينا
لذلك دعونا نقتطف من ازهار وورود واطياب هذا الرجل الكريم
من خلال ما راق لى وانقله لكم
وهو رساله احترام وحب وتقدير وشوق لذلك الشهم
اخوى : حسين الهادى
فتخيلته كنز من القيم والمشاعر
والمبادى والحكم واالحب وهو كذلك
دعونا نتنقل في هذه الكنو ز ونتذوق منها
كنوز الرجوله والحكمه والاخوه والوفاء والطيب والكرم وهى من صفاتنا جميعا
في هذا المنتدى الكبير
وهى عباره عن ابيات وقصائد منقوله لكم للاستمتاع
فاحببت ان تستمتعون بهذه الابيات المنقوله كما اعجبت بها
كنوز الرجوله والحكمه والابداع
( اولا )
ياصاحبي الدنيا حكايات وعلوم..
قصص عجيبه تذهل اللي قراها..
الدنيا لو تضحك معك دايم الدوم..
خلك فطين ولايهمك رضاها..
كم واحد تبنى له أمال وحلوم..
يفني وغيره يهتني في بناها..
ياما أفرحت قوم وأحزنت قوم..
وكم أعشقت عين وخانت غلاها..
ياصاحبي شفت أمس شف حالنا اليوم..
دنيا تقلب يكفي الله بلاها..
اليوم لامنه بغت عيني النوم..
تنكدت روحي وعافت كراها..
ماكل من علا بالأصوات مفهوم..
وماكل روح تلتقي في مناها..
وماكل من يشكي معذب ومحروم..
وماكل من يضحك همومه نساها..
بحرالحياه إن صرت ماتعرف العوم..
يرميك في غبه بعيده مداها..
من راح يستسلم من أحزان وهموم..
يموت حي وحاجته ماقضاها..
واجه هبوب الوقت بإيمان وعزوم..
لابدماربك يهدي هواها..
وأصبر إذا شمسك حجب نورها غيوم..
الغيم يتفرق ويشرق سناها...

( ثانيا )
بعض الحكي ينعاف ويعاف راعيه
وبعض الحكي ما ينتثمـن بقيمـه
وبعض الحكي غيثٍ تورّث معانيه
وبعض الحكي يغنيك عنه الحشيمه
وكل الحكي يشهد على حال تاليه
يوم الجوارح تعتـرف بالظليمـه
اعمى البصر سهلٍ علينـا نقدِّيـه
واعمى البصيره ما يفيده عزيمـه
الي اجتمع قِل الأصل والجهل فيه
والقلب معـدوم النوايـا السليمـه
جاهل طريق الخير وابليس مغويه
ما يسمع وراع النصيحه غريمـه
حتى ولا طب المـداوي يداويـه
مهمـا تعدلـه اعوجاجـه نديمـه
من كان ذا طبعه وهذي مواريـه
ما ينفعك غيثـه ولوكـان ديمـه
إن صادف وناجاك فلالا تجاريـه
الصمت طبٍ للنفـوس السقيمـه
إن تسلم اعصاره تنوشك سوافيـه
أشبه بنافـخ كيـر نفسـه لئيمـه
لا تشتري رِحمه ولا تسأله ليه ؟
قربه دنس ومعاشـرٍ لـه ذميمـه
هذا عدو نفسه وواجـب تعاديـه
نقصٍ على الدنيا جديـد وقديمـه

( ثالثا )

وكانك تشيـل الهـم .. ياكبـر همـي
بس القضية .. ياصديقـي وبعديـن ؟
النيـة الشينـة تجـي بـس يـمـي
والنية الزينـة .. نصيـب البعيديـن
أبك أنت ثابـت فـي شراييـن دمـي
مهـو كلامـي .. ذا كـلام الشراييـن
( برك ) فضا روحي وماردك ( يمي )
يعني .. ترانا روح .. تمشي بروحين
وأنا كلامي جـرح . . وقعـه يدمـي
وقعـه يأثـر فـي جميـع الموازيـن
وغيري كلامه لو غلط .. مـا يهمـي
نقعد نـدوّر لـه عـذر .. مستميتيـن
وخيري لغيري لـو تجرعـت سمـي
أدري خطا .. بس الخطا جاني منين ؟
كلي غلط .. ماطاي .. راسي .. لكمي
وأنت الصحيح اللي من الزين للزيـن
لكن تعـال أقـول لـك وأنـت عمـي
لا تشوفني في عين .. وتغمض بعيـن
وش فيك جيت تزيد همـي وغمـي ؟
وتزيد جرح أخوك .. يا أخوك جرحين
ولوكنت أخوي اللي رضع من حشا أمي
ما كنت أعزك مثل ما أعـزك الحيـن
(رابعا )

الزمن" لا صار ضدك واحتوى درب المصايب.. لا تحاول( تنكسرله) لا تزيد الطين طينه..
للزمن حكمه غريبه تحكم بدرب الصعايب!!
وياكثر من ضيع الفرصه وهي فرصه ثمينه...

[عز نفسك]
في_زمانك_ لا ..تقول ((الحظ خايب))
وسق عمرك للمعالي
|وأكسرالنفس الحزينه| والطريق اللي تشوفه يرسم للدنيا عجايب..
{مد يدك في طريقه لين ما تمسك يمينه}
والرفيق أن طال وقته لا تحاتي وكل غايب... حجته دايم معاه ولا تقول فلان وينه؟!!
ولا تكابر بالمصيبه لا حكوا بأغلى الحبايب... قول غالي وكل غالي ((تكرم لعينه مدينه))
والبلا وأكبر مصيبه
"لا تناسوك الحبايب"
وتصبح _الدنيا ظلام_ وتصبح ،،اللحظه،،عصيبه... وقتها لا عاد ينفع لا عتاب ولا طلايب...
والزمن والحظ الاقشر أهجره وأهجر سنينه!!


(خامسا )

فل الحجاج تصير دنياك جنه .. خل الطموح يعانق نجومها شوي

اضحك ولا تحزن من اللي تكنه .. تضيق تفرح ماتغير ولا شئ

( سادسا )

يآصآحبي طآلبكـ خلنَي بــ حـآلي
ما أبي "أضيــّــق خاطرك" وأنت مرتاح

ياصاحبي وإن غبت عنك " ليالي "
غلاك باقي بــ الحنايا ولا راح

تبي أسولف لك ، وش اللي جرالي ؟؟
أخاف يمسح قولنا الصبـــح لا لاح

أجل تعال أجلس هنيـّـا قبــالي
دام الحطب طاح وكثير العتب طاح

لو كل شخص إليا عطيته وفالي
ماكان بــ الدنيا حزن ليل وجراح

ولو كل غالي قدّر إحساس غالي
ماشفت ذاك الدمع من محجره ســاح

ولو كل قلب من الحسد جاك خالي
مايشتكي من شحّ الأمطار فــــلاّح


ولو كل واحد جاك طبعه مثـــالي
ماكان بــ الدنيا سجن ناس وإصلاح


ولولا الذنوب اللي بـ كبر الجبالي
ماكان جيش الكفر لــ بلادنا إجتـــاح


ولو الردي يعرف شــ معنى عيالي
ماقطّ أبوه بـــ دار الآلآم يـــــــا صاح

هذا بعض حزن السنين التوالي
طير الحزن مبطي على خافقي ناح


ما أقول أن الخير ماله مجالي
لآ والذي يفلق من الليل الإصبــــاح


لكن هنا بعض الألم ياحلالي
وأنا أدري أن العود يوم أحترق فاح


أول أقول إني صبور وشمالي
واليوم لآ والله أنفجر سدّي وبـــاح

ماقلت لك ياذيب خلّني بـ حالي
هذا أنت ضقت وأذكرك جيت مرتاح



( سابعا )

احلى سنين العمر راحت هدايا () لك يامجازي بالردا راعي الطيب

لي في حياتك ذكريات وخفـايا () تبقى ولو باكر غزا راسك الــشيب

ولا الوفا ماله بقلبك بقـايا () عند الذي مثلك اظن الوفا عـــيب

( ثامنا )
ضحيت بالواقع على شان الاحــــلام () وضحيت بالغالي على شان غالي

حتى الغرام اللي كسر قلبي العام () ماني بحاله كان ماهو بحـالي

ماينحسب عمر البنادم بالاعـــوام () بعض السنين نعيش فيها ليالي

( تاسعا )
لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد


يتبع لعينوكم وعيون حسين الهادى
اخوكم هادى مره

[هادي مره]

و حسين الهادى بحر بل محيط من الكرم والجود والذوق الرفيع
لا يكفيه قطرات بسيطه اذا اليكم استمتعوا


بالكنز الاخر كنز الغزل والاحساس الرهيف
( اولا )
ياقلب لاتشكي همومك على الناس
ماكل شخص(ن)يعذرك في مصابك

لاتسكب الدمعه على خد حسـاس
ولا تحرق اوراق الزهر في عتابك

ولا تضيق الصدر المولع بالانفاس
ولاتقطع عروق(ن)بكت عند بابك

ياقلب ولله مابقى بعيني انعـاس
يومك شكيت الحب محد(ن)درابك


النار ما تحرق سوى رجل من داس
وللي كواه الحب يفهـم خطابـك


قبلك شرب مجنون ليله من الكاس
واليوم نفس الكاس تسقى شرابك

ياقلب اعرف معدنك معدن الماس
توفي لحبيب الروح لوهو رمابـك

ياقلب خلك بالشدايد قـوى بـاس
لا تلتفت للجرح لوهـو سطابـك

ياقلب لا تسقي عروقك من الياس
وخل الامل والصدق دايم زهابـك

مادام طاحت فاسك اليوم بالـراس
اعذر جميع الناس واخفي عذابـك


( ثانيا )..
لا تقول اني ذكرت ولا تقول انـي نسيـت
كيف يعني يذكرك انسان لحضـه مانسـاك

ادري اني صدق احبك وادري انك مادريـت
اني حتى ضد نفسي صـرت ياعمـري معـاك

لو اقول اشكثر احبك ! ما تصدق لـو حكيـت
داااام حبي فـووق والله مستـواي ومستـواك

(كل حرف ٍ لك كتبت ) و (كل حرف ٍ لي قريت)
(في شي ٍ من عناي) و(فيه شي ٍ من غـلاك)

في غيابك ياحبيبي ياكثـر ماقلـت لييـت
وياكثر ما قيييل عني في غيابـك وش بـلاك

مو مهم اللي جرى لي المهم انك رضيـت
دام يزعلني زعلّك ودام يرضينـي رضـاك

انت دمع ٍ في عيوني مابكيتـه لـو بكيـت
وانت كل اللي كتبته وانا بس اللي قـراك

وانت درب ٍ من بديته فـي حياتـي منتهيـت
وانت تعني لـي بهالدينـا نجاتـي و الهـلاك

وانا مدري( شلت قلبي لك ) بعد عمري وجييت
وإلا ( قلبي شالني لك ) يابعد عمـري وجـاك


جيت اقول( اني احبك) شفت عينـك استحيـت
في عيونك قدرة الله واشهـد ان الله عطـاك

لا تقول اني ذكرت ولا تقول انـي نسيـت
دام قلبي ماذكـرك ودام قلبـي مانسـاك

(ثالثا (

ماقلت لي شي وشخليت ماقلــــته ** اسكت وخل الكلام لجرحي الــــدامي

لو غيرك اللي يسولف ماتحملـتته ** لاكن على شان عينك هانت الامـــــي

للحب مفهوم عمرك ماتخيلـــــته ** ماظن يستوعبه تفكيرك الســـــامي

هذا الفراق الطويل وهذي اسالته ** وهذا حصاد السنين وهذي ايــــامي

ياما وياما عليك البال طولــته ** والعمر عدا وانا عايش على اوهامي

حتى طريق الفراق اللي تساهلـته ** لقيته اصعب على نفسي من اقــدامي

اصبر لي شوي لو دمي تثاقلـــته ** بحاول استوعب اللي صار قــــدامي

الحب ضحكه بعينك بس ماطلــــته ** عمرك بهالكون شفت ابسط من حــلامي

القلب لو ماخفق لك كان ماشلـته ** ولو منت ملهم قصيدي جفت اقـــلامي

هذا قصيدي بعينك لو تجاهلـــته ** ينزف على شان يروي قلبك الضــامي

العام طاري غيابك ماتقبلــــته ** واليوم حرماني اصبح مصدر الهـامي

لاتعتذر لي وبنسى كل ماقلــــته ** وش ينفع العذر لامن ضاعت ايـــامي

(رابعا)
قبل اسافر وتنسى جيت اسلم عليك
جيت ابي عمري اللي اكتشفته غدى
ضاعت اجمل سنيني من عمايل يديك
اكذب ان قلت راحت لاجل عينك فدى
فرصة العمر قالوا لا غدت ما تجيك
جتني اكثر فرص عمري وضاعت سدى
جرب الخوف مره حس به يعتليك
وارفع الصوت ماتسمع لصوتك صدى
تدري اللي ذبحني قولتك ما ابيك
مابقالي لثاري لو بغيته مدى
ما هقيت المشاعر كلها ترتجيك
قل لها بالمفارق منهو اللي بدى
هاك دمعة عيون(ن) باكيه تشتكيك
هاك ريح ضمير(ن)ما استراح وهدى
ما تناظر عيوني زول هذي وذيك
ما يهز المسامع اسم ريم وهدى
قلت ماعادلي رغبة وشوفات فيك
قلت يا نفس طيبي يفرحون العدى
قلت عايف ونفسي بالخفا تشتهيك
عزة النفس تدري طيب ما ردى
خل عينك تهل دموعها وش عليك
انت خدك ورود ودمع عينك ندى

(خامسا )
نسيتني علمني وشلون ابنســــاك ** في هالزمن نسان الاحباب عـادي

وشلون لامرت على البال ذكـــراك ** وطيفك سرق مني لذيذ الرقـادي

وشلون لا قالو لي الناس وش جـاك ** من كنت في لذة منامك تنــادي

وشلون اعيش اللي بقالي بليــاك ** لامن غدينا كل واحد بــــوادي

لو قلت اداوي جرحي اللي تباطاك ** ماكل جرح يفيد فيه الضمــادي

اعلنت حبك لين كلن تمنــــــاك ** غلطه وغيري من خطاي استفـادي

لو لي مثل قلبك تمنيت فرقـــاك ** واكيد قبلك بالجفا صرت بـادي

حلوه عذاريبك وحلوه مزايــــاك ** حتى بيوم افراقنا كنت هــادي

كن الليالي ودها تكسب ارضـــاك ** وانا يطول مع الليالي جهـادي

في ذمتي ماهي غريبه خطايــــاك ** مبطي وقلبك لو تنبهت غـــادي

سهله على من كان مثلك وشــرواك ** مثل الثياب يغيرون المبــادي

علمني اكره ذكرياتك وطريــــاك ** ونسى من الليله صدوق الودادي

ولاني بقايل عقبها كيف ابلقــاك ** راضي لو ان جروح قلبي جـدادي

ولا القصايد جعلها من فدايـــاك ** لبستها مبطي ثياب الحـــدادي

باكر على المخطي يدورون الافـلاك ** ونشوف من يصعب عليه البعـادي

(سادسا )

زي لون الطيف والوان الفـراش ** الهنوف اللي شغلني صــدها

ان بكت جا دمعها مثل الرشـاش ** وان تبسم ثقرها من قــدها

وان حكت كن بشفايفها رعـــاش ** الخجل عن سالفتها لـــدها

والطيور اللي جفت حضن العشاش ** ليتها خلت بقايــــا ودها

عقبها كل الغصون امست نشــاش ** خاليه عقب الوناسه خــدها

كل قلبن في ذراه الحب عـــاش ** فيه طيبه زايده عن حــدها

والقلوب ان فارقت صارت هشـاش ** موحشه والذكريات تشـــدها

رفرف البرق وزمت بيض الدشـاش ** ومتلا من صافي الما عــدها

مابنيت بيوت شعري من قشـــاش ** ليه اخاف ان الرياح تهدها

والهجوس اللي من الفرقا عطاش ** ترغب نجوم السما وتعــدها

يوم شق النور من ليل القمـاش ** شفت حبة خالها في خـــدها

القصيد لمثلها ولا بـــــــلاش ** لو تبي عمري حشى مــاردها

.................................................. .....................

( سابعا )
ياوسيع البال ضيّقت الصـــدور
رحت ماعلّمتنى وين أنت ســارى

فى غيابك مال خلق الله حضـور
وفى حضورك مالهم بالبال طارى

ليه ماتختال يابدر البـــدور
والقصايد لك وصيفات وجــوارى

لك بنات الفكر ربات الخــدور
يكشفن لثامهن والجرح عـــارى

جعل قلبن ماملاه الصدق نـــور
عند وجه الريح مايلقى مـزارى

التغاضى عجز لاطال القصــــور
ليه أدارى وأنت بالوضـع دارى

الزمان قصير والدنيا تـــدور
كل يوم يضيق فى عينى مــدارى

صاحبى محتاج لك شعر وشعـــور
وإحـتـيـاجى شى ماكان إختيــارى

من متى والغصن يختار الطـيور
من متى والبال يختار الطوارى

لاتسمى صمتى البارح غـــــرور
انكسارى خلف هالصّمت متــوارى

فى غياب الشمس وش ذنب الزهور
والمطر لاشح وش ذنب الصحــارى

اللقا لحظات والغيبه شهـــور
تقصر الخطوات ويطول إنتظـارى

لو قريت المنكتب وسط السطـور
ماكـتـبـت لغلطة العمر إعتـذارى

صمت هالمينا مثل صمت القبـور
مارسى مركب ولا لاحت صــــوارى


(ثامنا)

متى ذكرتيني على شان تنسين () خليك مره صادقه وانصفــيني

في وقت واحد تكرهين وتحبين () انا تعبت استحملك واعذريني

حبٍ سرق من عمري ايام وسنين () مثل الهوا مايمسكنه يـديني

(تاسعا )
ياليت مجروح الهوى جرحه يشاف () لقول قرب من جروحك وشفها

(عاشرا )اليا نشدوك العرب وش بينك وبيني () قولي حياتي قصيده كان شاعرها

( الحادى عشر )


ما على " قلب " الرسول إلا / البلاغ

و إنت لك عندي ( رساله ) و كلمتين

قلبي المرسل ؟ .. محاك من الدماغ

طحت من عيني !و طاحت دمعتين .

ما أطوّلها عليك , بْلا صياغ -

هي قصيره بس ! تجرح حبتين

: يوم قلبي ذاب في حبك , و زاغ ..

ليه قطَّعته بـ [ إيدك ] قطعتين ؟! :

ما مسح لي دمعتي غير .. الشماغ ! .

غلطتي ؟ / طيبي , و غدرك / غلطتين

بيت صغته . . . وبيت " لا يمكن " يصاغ

شي كتبته , وشي مكانه نقطتين ( ..)

قلبك أستخسر عليه اليوم ساغ

وعندي كلك ما تساوي – بيزتين

آخر حروفي الصدر فيها بـ " آغ "

و إنتهى عجز الصدر فيها بـ ( تين )

إللي فيني الحين ؟ ما جا من فراغ

صدمه .. وحده .. تكفي / ما أبي صدمتين /

ما عليك من الرسول , إلا البلاغ ,

[ صعب تلدغني بجحرك : مرتين ]
( الثاني عشر )
لاصار جنبي لـو سنـه وقتـي بخيـل
...........ولو غاب لو لحظات صـارت سنينـي
قالوا يحبـك قلـت هـذا هـو الويـل
.............مـا ودي انشـد ثـم رفضـه يجينـي
وأهدم رجاي بدبرتـي مثـل مـا قيـل
.............والأفضـل أحيـا بالأمـل لـو لحينـي
يـا حبكـم يـا نـاس للقـال والقيـل
.............والأمر لو هو سهـل يصبـح مهينـي
خلوني أحيا فـي الوهـم يـا عواذيـل
...............وش دخلكـم والأمـر بينـه وبيـنـي

( الثالث عشر )

ما حد خذا غيرك من الناس عمريـن
...............عمرك وعمر اللي معـك فـات كلـه
وزود عليهـا صـرت مالـك لقلبيـن
.............قلبـك وقلـب فيـك هـام وتتـلـه
حبك نزل في القلـب بيـن البطينيـن
...........وفـوق المعاليـق الثلاثـه محـلـه
يسري غرامك بالدما فـي الشراييـن
................مسرى المرض في جسم من حس عله


والخاتمه

البسي لك ثوب غير اللي عليك () من لبس ثوب الغرور اكبر غبي

تحسبين الناس خاتم في يـديك () من متى والعاطفه تــوخذ سبي

فز لك قلبي وانا قمت احتريك () والكريم يصير لضيـــوفه صبي



هذا ما احببت نقله لكم وهو خليط من الحكم والغزل والحب

وهو كنوز متنوعه تذوقنا ها جميعا وانتم تستاهلون


منتقاه ومنقوله لكم احبتى في المنتدى الجميل باصحابه ومرتاديه وبالاسم الذي يحمله


يستاهل الراقي حسين الهادى وانتم تستاهلون

اخوكم ومحبكم هادى مره

[أبو الوليد]

يعطيك العافيه أخو هادي المره ..

ونقل رائع وجميل ..

ويستاهل الغالي حسين هادي ..

دامت هالمحبه ان شاء الله .. ودمت كما انت يالغالي ..

خالص الود ..

[عوض جبيب]

يستاهل ابوفارس اكثر من هذا
كل الشكر والتقدير هادي





ارق التحااااايا

[عيد السلطاني]

يعطيك العافيه أخو هادي المره ..

ونقل رائع وجميل ..

ويستاهل الغالي أبو فـــــارس وهو الملقب بالأميـــــــــــــن ويستحـــــق أكثر من
ذالك .
عندما تتذكر أبا فارس فأنت تتذكر كل ما هو جميل ورائع .
شكرا لك على هذا الطرح الشامخ .
دمتــــ بــــــود ,,,,,,,,,,

[بــــدر*]

يستاهل ابو فارس نعم الرجل
وهو الامين الصادق .
كم تمنيت ان اكون شاعراً .
لكتبت عن ابا فائز معلقات ولا تفى بحقه .
كل الشكر اخوي هادي مره .

[ابو فايز]

شكرا على هذا النقل ويستاهل ابا فارس

الاخ بدر تشكر على شعورك الطيب