هل ترضى أحد يفتش في جوالك ( الموبايل ) ! وليــش ؟

[ياسر]

السلام عليكم ورحمة الله وبركاته



هل ترضى أحد يفتش في جوالك ( الموبايل ) ! وليــش ؟


... موضوع أعجبني ونقلته لكم ...


الجوال / الموبايل ( مستودع الأسرار )!!

صار الجوال جزء لايتجزاء من حياتنا اليوميه مانطلع إلا بالجوال ومانقعد ولا نرقد إلا مع الجوال

غير عن أهميته المعروفه إنه جهاز إتصال

صار يحوي أشياء كثيره منها المسجات والوسائط النغمات والشعارات و و و ...!!

الجوال مثل السكرتير

اللي يذكرنا بالمواعيد والساعات متى علينا محاضره وفي أي قسم

والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:

والمنبه ( أهم شي المنبه )

اللي اذا رن الصبح وقت الدوام .. نحط على غفوه وهالغفوه 10 دقايق

ومانقوم إلا إذا حد قال لنا :.. قومووووا دووووام متى بتروحوون الشوارع زحمـــه !!




الملاحظ إن فئه عمريه معينه من سن الـ 18 إلى 25 أو 30 سنه

يرفضون أي شخص يمد يده ويمسك جواله

ودايماََ مايقولون

( لحد يتعبث في جوالي / الموبايل) !!

هالجمله البسيطه تحوي معاني كثيره ( ممكن تفسرونها )

ليش مانرضى أحد يفتش أو :يتعبث: في الجوال



هل هو الحرص عليه !!

ولا من زوود المحبه !!

ولا فيه شي خطير مانبي أحد يشوفه !!

هل لهل الدرجه جوالك خطير ماتخلي حد يقرا مسجاتك

ويشوف قائمة الأسماء اللي بجوالك

ولا يسمع النغمات اللي منزلها ولا يشوف كم فيديو إستعراض





الأسئله كثيره والتساؤلات أكثر حول هالموضوع





انتظر راي كل واحد أو وحده وموقفه من مستخدمي جواله ( الموبايل )


مع تقديري للجميع ......

[عز السلاطين]

بما انى ما ارضى افتش جوالات غيري .... الاكيد انى مارح ارضى ان احد يفتش جوالي لانى فيه اشياء خاصة وما اسمح لاحد يطلع عليها ....سواء رسائل عائلية او رسائل خاصة بالتعاملات البنكية ....لابد من احترام خصوصية صاحب الجوال مهما كنا نمون عليه

[خذاني الشوق]

اما انا الوضع فري خله ياخذ راحته



عندي الحارس الذكي ههههههههههههههههههههههههههههههههههههههههههههههههه

[الود طبعي]

السلام عليكم ورحمة الله وبركاته

عن نفسي... ماراح اقول غير الاسئلة هذي تكفي وإجاباتها فيها .


هل هو الحرص عليه !!

ولا من زوود المحبه !!

ولا فيه شي خطير مانبي أحد يشوفه !!

[نايف العميم]

بما انى ما ارضى افتش جوالات غيري .... الاكيد انى مارح ارضى ان احد يفتش جوالي لانى فيه اشياء خاصة وما اسمح لاحد يطلع عليها ....سواء رسائل عائلية او رسائل خاصة بالتعاملات البنكية ....لابد من احترام خصوصية صاحب الجوال مهما كنا نمون عليه


هذا الكلام الصنع ,وأنا شخصيا لدي قفل برقم سري , لأن الملاقيف كثير,

[سلطاني الشرقيه]

والله اللي يبي ياخذ جوالي على راحته زي ماقال اخوي خذاني الشوق :)