جـــــــــــــروحــــي..

[سلطان الزين]

لك اشواقي من اول فقد لآخر جرح بغيابك
لك ذبولي وضيم الشعر لآمن شقّ لك ثوبه

لك امطار العتاب اللي وقف ملهوف في بابك
ولاحسيت ولا حنيت ولا تعطيه مطلوبه

لك جروحي حمام البوح وسط الروح غنى بك
لك سنين البعاد اللي بدونك غير محسوبة

لك الله يابعد قلبي وهو من ذنوبك ماتابك
ملكته يوم ذاك العهد صرت الذنب والتوبة


وسرّيته على مسراك وعرّجته على ركابك
ذبح لاجلك شرايينه وكرّت سبحة ذنوبه

خذيت النبض من صدري وغبت فزحمة اسبابك
ويتمت انتظاراتي وليل الحب ودروبه

هذاك اللي حضن قلبك وطنك وصفوة احبابك
سليت وما سلا والبعد ناره تنهش جنوبه

هذاك اللي تنفسّه غلا واسكنه اهدابك
هذاك اللي تواريخه بحبر الدم مكتوبة


دخيل النبض في عروقك دخيل دموع محرابك
دخيل الوجد ياروحي تعال احضنه بعيوبه

[ملك السلاطين]

الله يعطيك العافيه

[دندنة الرحيل]

لك امطار العتاب اللي وقف ملهوف في بابك
ولاحسيت ولا حنيت ولا تعطيه مطلوبه




ابيات في غاية الروعة
صح لسانك واعتلا شانك
ولاعدمنا جديدك المميز

لسموك التقدير

[سلطان الزين]

شكرا لمروورك اخوي ملك السلاطين..

[سلطان الزين]

دندنة الرحيل//

تحيااتي لك سيدتي على تواجدك العطر...

[أمل السلطاني]

رائع ... مشكور عالنقل ...

[سلطان الزين]

شكرا لك امل على التواجد العطر..

[الدانة]

سلمت يداك
مبدع

[سلطان الزين]

ولا يكتمل الإبداع الاّ بتواجدك يالداانة..

كوني بخير سيدتي...