تكفى يابوي لاتبكي !!

[أمل السلطاني]

:fa9:



السلام عليكــم ورحمـة الله وبركاتــة




قصيده جدا رائعه ومؤثره اعجبتنى وحبيت انى انقلها واتمنـى تنـال على اعجــابكـم ..





يابوي ليه تبكي كل ما شفتك وعينـك لـي ؛،؛




تخاف أموت
يابوي ... وقبل الموت تبكيني ..





تكفى يابوي لا تبكي وانا موجود معك وحـي؛،؛


أجل بعد الرحيل أشلون في قبري توطينـي ..




يابوي لو تموت الناس ماتسوى دموعـك ذي ؛،؛


وأنا يابوي ميت قبل أموت وأنـت محيينـي ..




قسم بالله يابوي لجل عينك شربـت الغـي ؛،؛


جرعت الهم والحرمان وبحر الويل يسقينـي ..




تحملت السنين اللي طوتني في عذابي طـي ؛،؛


وصار الجمر بكفوفي .. وتحت أقدام رجليني ..




يابوي ماعلى عمري حسافه ولا بقا بي شي ؛،؛


ولكـن بطلبـك يابـوي تكفـى لا تخلينـي ..




يابوي مابي غيرك يغسـل جثتـي بالمـي ؛،؛


وتكفى قبل لا أتكفن .. يابوي فكلـي عينـي ..




بأمر الله يمكن




ألمحك وأرحل في عيني ضي ؛،؛



وأودع وجهك الطاهر مع دنيـاي وسنينـي ..





وخل الناس تحملني وترفع راسي ورجلـي ؛،؛


وتأخذني على قبري وتكسب أجرهـا فينـي ..




وأذا جيت القبر يا بوي نزلني شوي شـوي ؛،؛


ووجهنـي لبيـت الله .. وقبلـه المصلينـي ..




وحط الطين وأدفني وعزاللي يعـزي فـي ؛،؛


ثلاث أيام يابـوي .. يواسـوك المعزينـي ..




ورابع يوم يابوي تذكر .. ضحكتي وعني ؛،؛


تذكر وش كنت أقول يـوم أنـك



تنادينـي ..




تذكر يوم كنت أنام في ظل النخـل والفـي ؛،؛


تجي يمي تصب المي ..على وجهي وتصحيني ..




تذكر جرة الموال وصوت في حبالـه كـي ؛،؛


تذكر يوم أغني لك قصيدي وانت توحينـي ..




تذكر ضحكتك لا قلتلك يابوي عشقي هـي ؛،؛


تذكر كم قصيدة خافيه مـا بينـك وبينـي ..




تذكر كل شي كان وأذكر يـوم انـا حـي؛،؛



ولكـن أسالـك بالله يابـوي لا تبكيـنـي..





منقووووووووووووووووول




:fa9:

[أبـو نــواف]

تخاف أموت
يابوي ... وقبل الموت تبكيني ..

الله معبره

شكرا أمل

[أمل السلطاني]

مشكور عالمرور ... وفقك الله

[آبوياسرالسلطاني]

أختي أمل الرائع لاينقل إلاالرائع وعن قريب ساطرح لكم تعبيرآ مثل هذا النوع

[أمل السلطاني]

مشكور عالمرور ..... وفقك الله ورعاك

[محطة إرتواء]

جميله جداً ياآمل
وحفظ الله لكِ والدك

[سالي الجميله]

شدني كثيرا هذا العنوان

كلماتك هنا اوصلت الكثير من الاحساس الصادق المنبثق من عينيه

شكرا لحبرك الذي اتقن الشعور