فرش مكياج

[فلسفة نبض]

بخاطرك تشترين فرش مكياج بس محتاره شتاخذين؟*شرح الفرش+ طريقة تنظيف الفرش


انا بنزل لكم موضوع ظروري لكل بنت وامرأه وعروس تحب انه يكون مكياجها بروفيشينال وبيرفكت ومرتب
وكثير منا يحتار شنو ياخذ او بالاصح مايعرف شنو ياخذ ؟
وكثير منا يستخسر الفرش ويشتري الفرش التقليد او الغير اصليه وترا كل شي وله سعره





وايضا وايد منا مايدري شنو الفرش المهمه؟ واكيد مايعرف شنو ياخذ النايلون ولا الشعر الطبيعي او الشعر الصناعي




انا بختصر عليكم المسافات كلها وبشرح لكم بطريقه جدا مبسطه وسهله


وقبل لا اشرح خلوني اعطيكم نبذه عن الفرش وانواعها





يوجد هناك 3 انواع من الفرش


فرش نايلون ناعمه : مثاليه للشدو المائي وكريمات الاساس السائله(بختصار بيرفكت للأشياء الكريميه والمائيه)


فرش شعر طبيعي( من اجود انواع الفرش وترا غاليه مو رخيصه بس سعرها فيها وتدور طويلا اذا حافظتي عليها وغسلتيها بالطريقه الصحيحه)


فرش شعر صناعي (هذي ماتدوم طويله واستعمالها حلو بس ساعات تكون قاسيه خصوصا اذا كانوا فرش العيون لانه ويا الاستخدام تقسى شويه فيفضل بهالفرش تشترين حق البلاشر ولا تصغير الانف والوجه..ألخ)




قبل ما ابدي بقول لكم عن الفرش الممتازه


من رأيي الشخصي افضل فرش هيا make up for ever
ومن ثم M.A.C
ومن ثم بوبي براون



هذا مو معناته باجي الشركات فرشهم موزينه انا اتكلم عن البروفيشينال بالفرش يعني اخذوهم على ضمانتي



طبعا لو تروحون ماك ولا فور ايفير ولا اي شركه فيها فرش اكثر فرش كريم الاساس ينصحونج بالنايلون لانها ناعمه ودقيقه يعني الشعر اللي فيها وايد ناعم ومثالي للكونسيلر والكريم الاساس وباجي الفرش حق العيون والبلاشر والبودره كلهم انصحكم بالشعر الطبيعي




ادري كثرت عليكم سوالف بس عشان يكون الموضوع متكامل


وحبيبتي انتي اللي تختارين الفرش اللي تناسبك
يعني لاتاخذين شي انتي مو بحاجته والفرش ترا انواعها وايد وايد لو بتشترينها غاليه وحرام تظل بدون استخدام فلازم تعرفين شنو انتي تبين بالظبط




نبدي بالفرش كلها ونحاول نختصر وبعدين نفصل



شوفوا الفرش كامله


http://imagecache.te3p.com/imgcache/f98956a902f152655e292af1a4dffc11.jpg




الشرح



السطر الاول كله حق الوجهه (بلاشر وبودره كومباكت وبورده حره)


السطره الثانيه للشدو والكحل


السطر الثالث
رقم 40 ورقم 41 هذيله عشان تشيلين البودره السائبه اللي حطيناها تحت العين عشان بقايا الشدو وتنظيف تحت العين من بقايا الشدو





23 حق الحمره(الروج)




رقم 45 ورقم 42 حق الحواجب



والباجي كله حق العين والكحل




السطره الاخيره مكس بين العيون والوجهه


46 هذي حق كريم الاساس شوف شكلها


47 و48 حق الوكنسيلر


49 و50 و51 حق الكريم الاساس وممكن البلاشر وممكن البودره


52 حق العين وخصوصا البنانا يعني بين الجفن الثابت والمتحرك تسوين قوووس وراح اشرحها فيما بعد
53 للعين ممكن للبنانا او الدمج او..ألخ



واللي لونهم اصفر حق الجسم مثل ما اهوا موووووووضح




شوفوا التشكيلات كامله


http://imagecache.te3p.com/imgcache/7ae03c833bdde599eb2bf70fa00515a2.jpg
السطر الاول للوجه والبلاشر والبودره وكريم الاساس تنظيف تحت العين
والسطره الثانيه الحواجب والشدو والعيون والكحل




هالمجموعه مثاليه ومتكامله
http://imagecache.te3p.com/imgcache/e382a9ffb1606fb124b148a3a03a85a6.jpg
الشرح نبدي من اليمين
اول ثلاث فرش على اليمين لونهم اسود حق البلاشر والبودره الكومباكت


من ثم الكونسيلر تشوفون شكلها ناعم وطويله نوعا ما ولونها من فوق غير



بعدها المشطوفه مثاليه لرسم الحواجب وايضا حق تحت العين سواء للشدو او الكحل الكريمي وتسحب العين لبره وومكن استخدامها فوق العين ايضا على خط الرموش



بعدها المربعه المستقيمه حق تحديد اسفل العين ولا فوق العين


وبعدها الاربع فرش اللي لونهم اسود اول وحده للشدو سواء لدمج او لتوزيع الشدو..ألخ
الثانيه قصيره وعريضه مثاليه للأضائه تحت الحاجب
بعدها للجفن الثابت وممكن المتحرك او بينهم
اخر وحده البنانا تسويلج القوس بزوايه العين الخراجيه او بين الجفن الثابت والمتحرك تعمل قوس بالعرض



من ثم فرشه الكريم الاساس


ومن ثم فرشه الحمره(الروج)




هالمجموعه بروووووفيشيناااااااااال بس ناقصها فرش الكريم الاساس


http://imagecache.te3p.com/imgcache/140a34f2a7c45c588bb122778dfb394f.jpg



نبدأ بكريم الاساس والطريقه المناسبه لوضع كريم الاساس


طبعا فيه عدة طرق لوظع كريم الاساس


ممكن باليد
وممكن بالفرشه
وممكن بالسفنجه المثلجه
وممكن بالسفنجه الدائريه


وانا انصحكم بالفرشه
لانه باليد ممكن مع حرارت الايد يبقع معاج كريم الاساس ولا تتوصخ اغراضج ببقع كريم الاساس (رأيي الشخصي)




هذي الاسفنجه المثله


http://imagecache.te3p.com/imgcache/0d9b7390af22e415c2fb6eb93584f89e.jpg




السفنجه الدوره ممكن حق كريم الاساس الكومباكت تبللينها ماي وتستخدمينها
http://imagecache.te3p.com/imgcache/77e7c555b003cbf0c6aa7ad6404d757e.jpg





بالفرشه


وتكون شكلها جذي


http://imagecache.te3p.com/imgcache/dd7e6f2a068471f7d1c58113fc93de10.jpg



زوم


http://imagecache.te3p.com/imgcache/8a92e4ac0f170e5365b325de45cd6951.jpg




ومنها احجام


http://imagecache.te3p.com/imgcache/ab6fb9b73f675c0d8b16fd4d4fb8a5ff.jpg





نشوف سانلوران مسوين كريم الاساس على فرشه
http://imagecache.te3p.com/imgcache/22cb9999f39840e71ce27737a96cbb1e.jpg







يتبع

[فلسفة نبض]

انواع فرش كريم الاساس من ماك اخر وحده المدوره حق اللوس باورد وجدا ناعمه


http://imagecache.te3p.com/imgcache/34a3de87c08a60adf7299a3d3f19c8a2.jpg



عجبوني وايد اخر وحده حق الكونسيلر
http://imagecache.te3p.com/imgcache/ab1cfa1a61bdd3bce22e96dc4f4ac7d0.jpg




الكونسيلر

ديري بالج تحطينه بصابعج وتمسحين ترا راح يطلع سواد وتجاعيد تحت العين وفوقها بعد
يعني اذا بتحطين بيدج حطي بالطبطبه بالاصابع بدون ماتروحين وتردين على العين
وانا افضل تحطين بالفرشه وشوي شوي يعني هالمنقه جدا رقيقه




فرش الكونسيلر

http://imagecache.te3p.com/imgcache/dc6e56ea76d1ee3a0c41c6b9b2d32c8e.jpg




http://imagecache.te3p.com/imgcache/7b2f372d2521a35959f41320b95db803.jpg



واحجام فرشه الكونسيلر

http://imagecache.te3p.com/imgcache/b5ccae0b3d1690375ab181766d66e1f3.jpg






احجام مختلفه

http://imagecache.te3p.com/imgcache/bf551195216cb084d4006fa002309e14.jpg



الحين حق فرش البلاشر والبودره الكومباكت المات(اللي ماتكون كريميه)*بودره*هذي ممينره جدا للبودره الكومباكت افضل من الاسفنجه اللي تكون ويا البودره وتعطي شكل مخملي بصراحه لاتطوفكم رقمها S 30 من فور ايفير

http://imagecache.te3p.com/imgcache/1efccd4e584d09c9954ef589e68d7a4f.jpg


للبلاشر فيه نوعين الكبيره المدوره واللي تكون طرفها اكثر حق صوب عظمة الخد صوب الاذن

هذي اللي تكون حجمها اصغر وانتي تختارين شلون يتوزع البلاشر

http://imagecache.te3p.com/imgcache/f42a91b31f6ab135c7b236e3fea2b8ba.jpg


صورة ثانيه

http://imagecache.te3p.com/imgcache/a167e5d65d32a2b588f161f89f731be6.jpg


الشكل المدور الكبيره* احبها بصراحه*

طبعا اللي بتفرق بينها وبين فرشه البودره الكومباكت نشوف انه بودره الكومباكت بدايه الشعر سيده يعني مضغطه شوي عشان تصير بدايه الشعر سيده ومن ثم كبيره اما البلاشر تكون من بدايتها مدووووووووووره الى النهايه عرفتوا علي؟

http://imagecache.te3p.com/imgcache/c3be94a3328eaf386ef2d83fb94f963b.jpg









يتبع

[فلسفة نبض]

هذي فرشه الحجم الكبير لأزاله البودره السائبه اللي حطيناها تحت العين ومن ثم نشيلها بالفرشه عشان باقا الشدو


http://imagecache.te3p.com/imgcache/ebc172a33b5aa2b16dcca5876a09064c.jpg




فرش الشدو + الكحل (فلاش العين)

http://imagecache.te3p.com/imgcache/006fd6e67fbba7ef4ee6b0ba03b14804.jpg


طبعا اول فرشه مشهوره جدا ويستخدمونها البروفيشينال وهم اللي مايعرف ميك اب هالفرشه اتوقع لازم تكون عندهم وانتي تتحكمين شلون ترسمين العين وتصلح لكامل الجفن سواء للجفن المتحرك او الجفن الصابت او اضاءه تحت الحاجب بتاااااااع كلووووووووو وانا احبها




هذي فرشه البنانا اللي تقدرين تسوين القوس اللي بين الجفن الثابت والمتحرك
وممكن زاويه العين الخراجيه تسوين قوس

هذا شكلها

http://imagecache.te3p.com/imgcache/3f51d940576478fe78735f81aae41f9b.jpg



مثل هالصوره
http://imagecache.te3p.com/imgcache/744fcf15e0da27b702cdae2ab33e8c7b.jpg




ومثل اللون الاسود اللي بين الجفن الثابت والمتحرك
http://imagecache.te3p.com/imgcache/a4bfadd265a89ddac1aada1e3a0db83e.jpg





هذي الفرشه حق الزاويه الخارجيه للعين

http://imagecache.te3p.com/imgcache/f134c94f78bdd8178841865898a98ec2.jpg





يعني ترسمين قوس بالبنانا اللي ذكرناها فوق او ممكن بنفس الفرشه

http://imagecache.te3p.com/imgcache/81d82f8c92b0cd4843259d12f226c708.jpg

وتدمجينه ويصير بهالطريقه
http://imagecache.te3p.com/imgcache/6f3e1f61e025d1f9417ffe0a3ab5e4a1.jpg






وهالفرشه ايضا لها ميزه حلوه تسحب الشدو لبره
مثل جذي
http://imagecache.te3p.com/imgcache/b761745ed2a696d3e2bdd5babca48684.jpg





وجذي
http://imagecache.te3p.com/imgcache/87041176bdff332e26f8e1d4b3a90bea.jpg




يتبع فرش العين

[فلسفة نبض]

نكمل الفرش


طبعا الفرش مالها استخدام معين انتي تقدرين تستخديمن الفرش وين ماتبين

هذي الفرشه مثلا تقدرين تخطين الاضاءه اللي تحت الحاجب+ ممكن تحططين العين من تحت بأضاءه ممكن بالجفن المتحرك شوفي وين تخدمج وتريحج هالفرشه واستخدميها

http://imagecache.te3p.com/imgcache/3bc050108eecea61c5a50240abee90bd.jpg




هذي الفرشه مميزه في الاضاءه تحت الحاجب والجفن المتحرك والجفن الثابت فيه منها حجمين الكبير والصغير

http://imagecache.te3p.com/imgcache/5b7b72564ee7c81fad2909fce75bbf1b.jpg



هذي فرشه مستقيمه
حق تحديد العين من تحت ومن فوق

http://imagecache.te3p.com/imgcache/8f81d7238276187ad3b2126c56df0dd0.jpg


مثل هالصوره تحددين من فوق ومن تحت


http://imagecache.te3p.com/imgcache/ef1efca60fe5c9e09ed5e04d205935f2.jpg



هذي الفرشه المشطوفه
مثاليه للحواجب ومثاليه للشدو والكحل من تحت العين وسحبه لبره وعمر البوووووز وايضا لفوق العين

http://imagecache.te3p.com/imgcache/62fe61bb2ef2c7b0d1433fcb5755f8fe.jpg





الحواجب

http://imagecache.te3p.com/imgcache/26dc177e4c7a060cda5fac6a94aaff64.jpg


لتحديد العين من تحت وفوق باشدو والكحل وعمر البوز اللي من داخل ومن بره بعد


http://imagecache.te3p.com/imgcache/108937b0ab98de184e97d7d68fdf4b93.jpg


هم نقدر نسوي اللي فوق وتحت بهالفرشه او اللي فوق


http://imagecache.te3p.com/imgcache/ef1efca60fe5c9e09ed5e04d205935f2.jpg



ايضا الخط الاسود اللي فوق واللي تحت
والشدو البنفسجي والابيض

http://imagecache.te3p.com/imgcache/a4bfadd265a89ddac1aada1e3a0db83e.jpg




يتبع

[فلسفة نبض]

فرش العين منوعه

ونبي نرد نشرح من جديد عشان تتعودون ويصيرون سهلين بالنسبه لكم وتتذكرون شنو تبون ويكون عندكم خلفيه بالتكرار تتركز المعلومه اكثر




http://imagecache.te3p.com/imgcache/1c43e46686d5840c748f18933fb200b5.jpg

الشرح

الاولى للدمجه ولتوزيع الظلال على الجفن سواء متحرك او ثابت
الثانيه المشطوفه لتحديد العين بالشدو او الكحل فوق او تحت العين واضا لعمل البوز من داخل العين وخارجها
الثالثه مثاليه لاضاءه تحت الحاجب ولتحديد العين من فوق وتحت
الرابعه للكحل الكريمي ورسم العين بالكحل
الخامسه للاضاءه تحت الحاجب وايضا للتوزيع الشدو على الجفن الثابت والمتحرك





ايضا فرش اخرى للعيون

http://imagecache.te3p.com/imgcache/d2d461869dca63eee321f38635f4df9a.jpg


الشرح


من اليمين
الاولى للدمج وحجمهها كبير نوعا ما
الثانيه البناناااا مثل ماقلنا لهمل القوس بين الجفن الثابت والمتحرك وايضا لعمل قوس على طرف الزاويه الخارجيه للعين
الثالثه لتحديد العين تحت وفوق وترا ماتصلح للاضاءه تحت الحاجب لانها مستقييييمه لو كانت دائريه ممكن
الرابعه والخامسه ايضا لتوزيع الشدو على الجفن سواء الثابت او المتحرك وايضا للاضاءه تحت الحاجب




هذيله كولكشنات تكون فرش للعيون



http://imagecache.te3p.com/imgcache/ca7af8415026a37374903e2cb487dc04.jpg





هذي تشوووووووق لونها فوشياااااااا

http://imagecache.te3p.com/imgcache/356ffe40690b238661b225d4d40c2e3b.jpg

[فلسفة نبض]

http://imagecache.te3p.com/imgcache/9549020ef67b2a1174d38a8f271cab06.jpg


لازم الفرش بين فتره وفتره تنظفينها يعني نقول كل اسبوع

والفرش اللي تكون فيها الوان كثير اول بأول



وفيه اكثر من طريقه لغسل الفرش وعشان الفرشه تظل معاج وقت طويل وماتخترب ظروري تتبعين طريقة صحيحيه بتنظيف الفرش


اسرع واحلى طريقه
اننج تيبين قطت مدور

وتشترين محلول من فور ايفير

وتحطين على القطنه وتمسحين الفرشه لمه تشوفين اللون راح

http://imagecache.te3p.com/imgcache/192a0d15284ccc9dd531d614b77a30a4.jpg


http://imagecache.te3p.com/imgcache/fd323a0109ac8e1cb485d9b516f275aa.jpg



وجذي تمسحين وشوي شوي على الفرش ونطري لمه تنشف او نشفيها عدل بالقطن او الاستشوار ذا كانت مبلله وايد
http://imagecache.te3p.com/imgcache/23fc1fce1644195f35531a4bc6250a08.jpg




الطريقه الثانيه
تيبين قلاص فيه ماي تحطين فيه شامبو وأفضل بيبي جونسون الاصفر تحطين بالقلاص وتحركين الفرش داخل القلاص لمه تحسين الماي صار لونه غامج غيري الماي وكرري العمليه لمه تحسين الفرش صاروا نظاف ولاتخلينهم جذي نشفيهم بهوا الاستشوار وظروري الهوا يكون دافي مو بارد ولا حار جدا

وبس عاد الله الله بالتقيم:eh_s(22):

[محطة إرتواء]

تسلمين نبوضه

وشرح ومجهود متعوب عليه

الله يعطيك العآفيه

[دندنة الرحيل]

..

الله يعطيك العافية نبض .. شرح وافي ورائع
مودتي

[فلسفة نبض]

تسلمون ع المرور حبيباتي

[أمل السلطاني]

الله موضوع متكامل ... مشكوره