آآهه يايما

[&لحظة سراب&]

يايمه جيت أبسال ليه أنا حظي مجافيني


أشووف الناس ملتمه وأنا مابين حسراتي؛

أشوف أفراااح من حولي أسلم ما تحييني


أناديها و أنا خجلانه ألزم في تحياااتي؛

أحاكيها يافرحه وين حلفت إنك تزوريني


أشد بحكيي ثم أرخي أداعبها بهمسااتي؛

ولابه فايده (يمه) برغبتهااا تمشيني


تواعد ثم تخلفني أوانها تنسى أوقاتي؛

أنا أذكرر دعوتك لله طلبك إنه يخليني


طلبك إنه بيرزقني ويوفقني فبداااياتي؛

تعلمت الدعاء منك وصارت عاده فيني


إذا نامت عيون الخلق أوجه لربي دعواتي؛

رجييت بصووت كله خووووف متأمل بيعطيني


لأجل أفرحك يمه رجيت وزدت دعوااتي؛

هقيت إن غايتي تصدق بدعواتي وتوافيني


صبررت بحروة آآمالي وحروة كل هقواتي؛

وجت للخلق ذاكله ولكن أزرت تجيني


وقلت أكيد هي خيره وحمدت الله لحالاتي؛

كتمت الآه لاتطلع ولا ودي تشوفيني

ماودي يتعبك نوحي ولا تشقيك شهقاتي؛

تجررعت الألم >يمه< شربته بأول سنيني

وجيتك مابغيت إنك تحس بمر لوعاااتي؛

أضحك هم دمعاتي وأطمن خوف يحويني

وأجر بصوتي العالي لأجل عينك ضحكاتي؛

وإذا صديت عن وجهك أسلم آمري لعييني

تجيني مثل جلاد يروق إن شاف دمعاتي؛

أجملها بذكر الله وأقوول : الله بيجزيني

أهدي نفسي أطلبها تجملها ببسماتي؛

ولكن لو نجي للجد ترى كذبي مأذيني

مااعاد أستحمل العيشه بتزييفي لفرحاتي؛

أنا هلكاانه ياااايمه أنا تعبانه ضميني


انا كل ليله أتوفى وأرد أحيا لصرعاتي؛

ذبحني البرد يايمه بغيتك لوو تدفيني

طلبتك انزعي برد سكن واستوطن بذااتي؛

يلاعب فكري جنون وتلاعبني شياطيني

تورريني ضعف حالي تذكرني بمعاناتي؛

تشككني بحبك لي واقوول: أنك تحبيني

تعاند حبك بقلبي تكذب لي حكاياتي؛

تررررى ماهزني خوفي وحبك لي بيحميني

تررى عمري ماشكك وألومك في نهاياتي؛

أنااااااا بس أبسألك يمه حقيقه ليه ولدتيني

بنفس اللحظه يايمه ولدتي ليه ونااتي؛

أرد أدعي أنا ربي من العله يشافيني

وكل خوووفي على قلبك إذا مروك برفاتي؛

أنا خايفه من أحلام نهايتها بتشقيني

ومن قسوة مشاويري ومن آخر مسافاتي؛

وخاااايفه والله من قبري ومن تربه تغطيني

وسيرره تنقطع بعدي مايبقى غير كلمااااتي؛

أبيك ترضي بالقسمه ورضوانك بيرضيني

ترااني لأجلك أتمنى يحقق ربي رغباتي؛

يااااااايمه لا شوف الهم بووجهك لاتبكيني

ترى مكتووبه قبل أولد متى ولووين خطوااااتي؛

وإذا ماجت على كيفي أبيك منها تعفييني

أبي ترحمني دمووعك وتشفع عندك أبياااااتي؛

[بوطلال السلطاني]

مشكور ويعطيك ألف عافيه

[يــزيــد]

شـــكرا جـــزيلا

[ملك السلاطين]

الله يعطيك العافيه

[&لحظة سراب&]

شكرا ع المرور الطيب

[علي هلال السلطاني]

شكرا لك أخي العزيز وبارك الله فيك قصيدة جدا رائعة

وننتظر المزيد من الدرر
وتقبل تحياتي

[انساااان]

أنااااااا بس أبسألك يمه حقيقه ليه ولدتيني

بنفس اللحظه يايمه ولدتي ليه ونااتي؛


الله يكون بعون الأم

كل التقدير والاحترام

[دندنة الرحيل]

..
اختيار جميل
شكرًا لك ولِ جمال احساسك
وبكل الشوق ننتظر جديدك