الواو

[منسدح بالصاله]

الواو) حرف من الهجا ايَت كتاب يضمها
لكنها تمردت واصبح لها قدر وجلال

كبرت وصارت (واسطه) والواصل اللي خمها
واللي عجز ماخمها يصبر على نطح الجبال

الله على خطابها صاروا عيال لعمها
كل(ن) يقدم شبكته يبغى من (الواو) الوصال

يدرون فيها ظالمه خالط حلاها سمها
لكن عربنا (قصروا) واليوم يبغون الكمال!

(الواو) للي مرتكي بنت وخفيف(ن) دمها
لامن بغاها جابها يقودها في سلك شال

والا الضعيف المشتقي يركض ولاهو يمها
لو جالها بيقودها تقطع جديدات الحبال

اكبر قهر كيف الردي رجولته ماتمها
والواسطه) تاقف معه (يالا) شغاميم الرجال

اللي ماعنده (واسطه) سعادته ماشمها
يبحث عن الحاجه جنوب وحاجته باقصى الشمال

هذي سلوم (الواسطه) ماحد(ن) بقى ماذمها
كل(ن) شكى من ظيمها واولهم عيال الحلال

تخيلوا قرده غزال اسبابها(الواو)امها
وان صارت(الواو)امها فالقرد بعين امه غزال

يعني عشان (الواسطه) كل(ن) تصير يهمها
مانيب ابالغ بالحكي (الواسطه) فوق الخيال

(الواسطه) عند العرب تفاخروا في سلمها
وبديرة الغرب تهبا ماحصلت فيها مجال

ملعون ابو (هالواسطه) هم وذبحنا غمها
ركض(ن) بلياها مثل ركض العليمي بالنعال

الله يكرَمكم أجل لاجا الأمر من فمها
قام الدجاج بلا حيا ياطا على خشم الجمال

[الراكد]

مدري هو يقصد الواو الكبيره فعملها تطوعي وجبار.. مثلا لصرت بالصف الأخير وإنقطع رجاك فجأه تصير تحب الدنيا وتصير قدام علشانك تعرفه..

أم الواو الصغيرونه اللي تشبه الضمه..أعتقد مافيها شي ياحليلها خاصه إذا رحت لدائره حكوميه ونزلت أوراقك قدام الناس ولا تخاف من أحد

أخوي لا تخربون على الناس في هذه المطويات خلوهم يعيشون ..

شكرا لك فأنا داعم لك سواء بالتشجيع أو بالتصفيق أو التوصيل
وأتوسطلك عند الإداره بتميز هذا الموضوع..
ويبقى الوااااااااااو حبنا الأول والأخير ....هع هع

[منسدح بالصاله]

مدري هو يقصد الواو الكبيره فعملها تطوعي وجبار.. مثلا لصرت بالصف الأخير وإنقطع رجاك فجأه تصير تحب الدنيا وتصير قدام علشانك تعرفه..

أم الواو الصغيرونه اللي تشبه الضمه..أعتقد مافيها شي ياحليلها خاصه إذا رحت لدائره حكوميه ونزلت أوراقك قدام الناس ولا تخاف من أحد

أخوي لا تخربون على الناس في هذه المطويات خلوهم يعيشون ..

شكرا لك فأنا داعم لك سواء بالتشجيع أو بالتصفيق أو التوصيل
وأتوسطلك عند الإداره بتميز هذا الموضوع..
ويبقى الوااااااااااو حبنا الأول والأخير ....هع هع


اسعدني تواجدك ياعزيزي

والله يجبر بخاطرك اجل تقول بتصير لي واسطه هههههه يعني تتوقع تقدر تخليني مدير المنتدى

[دندنة الرحيل]

اللي ماعنده (واسطه) سعادته ماشمها
يبحث عن الحاجه جنوب وحاجته باقصى الشمال


هذا هو حال الكثير ..
صح لسـانك اخي منسدح بالصالة
ابدعت في الإختيـار .. كل الشكر لسموك
تحياتي

[منسدح بالصاله]

اللي ماعنده (واسطه) سعادته ماشمها
يبحث عن الحاجه جنوب وحاجته باقصى الشمال


هذا هو حال الكثير ..
صح لسـانك اخي منسدح بالصالة
ابدعت في الإختيـار .. كل الشكر لسموك
تحياتي

صح بدنك

دائما مبدعه في ردودك

دمتي بود

[نونو]

يعطيك العافيه على
الموضوع الرائع..
كل شي واسطه ...اذا عندكم واسطه خبروني محتاجه واسطه قويه؟؟؟