إلى أهل الفتنة

[يتيم ربعه]

هذه القصيدة جادت بهاقريحة السجين محمدبن هزاع السلطاني وهي نداء إلى من يحاولون إثارة الفتنة و زعزعة الأمن وإستقرارأمن هذه البلادوالقصيدة تحكي عن نفسها.

يا مقلد غيرك ترى صرت مبهوت
مني ومن غيري أثرتوا شعوره
كيف تجرى يا الأخو ترفع الصوت
و تصيح و تطالب من أخوان نوره
يا صاح إسمع و إفهم العلم مثبوت
و من واحد مسجون خوذوا المشورة
لا ترفس النعمة ولا تعيش هلفوت
والدرب هذا صاحبي به .... خطوره
هذا أنتوا سيارات و فلل و بشوت
و أمان و إطمئنان و للكل دوره
غيرك شرب علقم و مشروبكم توت
من كفوف "أبو متعب " قراح بحوره
الله جعل من يخدمه بأطهر بيوت
و ألهمهم برشد من أقطاب نوره
و حنا "لأبو متعب" ترى دونه نموت
لأنه جميع العالم تطيع شوره
الكل حبه و حبه سنين منحوت
بقلوب شعب ن كلها تحت سوره
صادق معا ربه و لا فيه مفلوت
و صادق معا نفسه و قايم بدوره
أبكته طفله عونها وسط تابوت
دمعة ملك دمعة يتامى تثوره
ياكم عطى محتاج ما يملك القوت
يمشي معاه إلين يقضي أموره
متواضع و طيب ولا يفوته الفوت
حتى بوسط السوق يبسط مروره
و إذا حكى كل الأمم عنده سكوت
و إذا حضر زان المكان بحضوره
ياكثر ما يدمح من أغلاط و هفوت
و في مجلسه مابه نظام الحصوره
الناس حوله بلا بطاقات و كروت
يسمع لهم من دون كبر و غروره
زار الفقارى وحصن إنسان مشتوت
وأعتق رقاب كثير و أبهج سروره
وسع بيوت الله ما ألهته بالوت
وعفى عن إجرام ن تطاير شروره
يعفي عن المخطي إذا جاه مكبوت
و يديه في دوم السماح معموره
ولاجاء الربيع و جالها وقت موقوت
تلقاه في الصحراء يناشي عبوره
وحب اليدين آمربه و قال ممقوت
لله وحده ينحني في ........ ظهوره
با الله بعد اللي سمعته يا مبخوت
سائلك با اللي شاف موسى بطوره
هل في أحد مثله أبي منك مثبوت
وهل فيه واحد مشتكي ظيم جوره
أنا و أنت و غيرنا أقطار و شتوت
نجدد البيعة على " إخوان نوره"
و اللي ورى عرعر و سكان تاروت
و من خط جدة لين تاصل شروره
فدوة "" لأبو متعب"" بنانين وبنوت
و مشاعر من صدق نفس مغموره
و ختام قولي إفهم الدرس مثبوت
من واحد جته المعاني في شوره
خلك على نصحي حريص و منصوت
ولاتضايقون اللي سطع فجر نوره
بكره يفوت الفوت ما ينفع الصوت
و تقول ياليتي أطعت .....المشورة

السجين // محمدبن هزاع سعيدالعنزي
إصلاحية الدمام

نرجوا ممن يقرأها نشرهافي جميع المواقع لعل الله أن ينفع بها.

[الراكد]

صح لسانه قصيده أكثرمن رائعه والله يعطيك العافيه على مجهودك

[نونو]

صح السانك
يعطيك العافيه على الابيات الجميله

[انساااان]

لا ترفس النعمة ولا تعيش هلفوت

والدرب هذا صاحبي به .... خطوره


صح لسانك ابو هزاع

اللهم فرجك ياكريم

[أمل السلطاني]

رحمك الله يامحمد

[ابو جوري]

وشلي بدنيا مالها اول وتالي
دنياي بي ضاقت ولا لي وسيله
متاخذ إلاطيبين الرجالي
ولاراح رجل(ن) ماتقدر رحيله
همي ثقيل وماتشيله اجبالي
ابوي راح ومن يجي لي بديله
ابوي راح ونظروا كيف حالي
من صغر سني ياهلي مرتكيله
من عقب ابويه صرت دايم لحالي
ميت جسد حي(ن) يجي كل ليله
ماقلت شعري في حسين الدلالي
حزني وهمي ليت ربي يزيله
رب(ن) عزيز(ن) بالسماوات عالي
ماخاب من هو بالقسى يشتكيله
يالله بأمرك ياغظيم الجلالي
تفرج لمن شال الهموم الثقيله

اعجبتني القصيده وحبيت اشاركم فيها