المساعد الشخصي الرقمي

مشاهدة النسخة كاملة : المنتدى وينه بالـ...


الراكد
04-18-2011, 07:06 PM
يووه مدري ليه الواحد إذا أبطى عن المشاركه في المنتدى يصير مضيع
ويفقد تركيزه..
ياليت أحد منكم يوصف لي ليه أقسام المنتدى صاير جوها بارد مره مره..هو مافيه حطب يدفيه..
تكفون أحد يرد عليه ويعلمني ترى ذبحني البررررد
من غير هواااش أعرف إني مقصر بس بغيت أعرف..
قبل لايجمد المنتدى وبعدين مانقدر نجيب الحطب تحته علشان يدفى

أحس البرد يخرق أقسامه
وين عيالنا وين بناتنا شكلهم نسو وين المنتدى

تبون أطلع عليهم العجره ومردغهم بها
بالله فيه أحد مايعرف وين موقع منتدى السلاطين
أنا أعلمكم وينه تراه قريب في مدينه رفحا بأي حي وأي شارع صراحه ماني داري
تدرون العجره وش أسوي بها..أحس مالها داعي..

غنوا معي ..
المنتدى وينه بالـ ..بيتكم

خخخخخخخخخ..

أنا الشاب راكدينو (أخوكم الراااكد ..سا بقا)

نونو
04-18-2011, 07:26 PM
هلا اخوي الراكد واخيرا رجعت
هذا المنتدى يجيب الاحباط
يبيله حطب ونار عشان يصير
فيه تفاعل شوي ..
مشكوره اخوي الراكد على الملاحظه

الراكد
04-18-2011, 09:39 PM
هلا اخوي الراكد واخيرا رجعت
هذا المنتدى يجيب الاحباط
يبيله حطب ونار عشان يصير
فيه تفاعل شوي ..
مشكوره اخوي الراكد على الملاحظه
صدقيني متواجد بالمنتدى بإستمرار ولكن دون مشاركه
الفكر مشغول لدرجة رحت للمستشفى
وقلت لدكتور راسي يوجعني وعيوني تلطمني ماقدر أطول التركيز على الشاشه
قال أنت تفكر كثير إسم الله وش درااه..

طيب ليه مافيه تفاعل يعني وش نسوي ؟؟؟
عندي حل ..بس قبل ماحله ربطوا أنفسكم ..
سين سؤال لماذا نقوول هذا المنتدى مميز وذاك المنتدى دون المستوى ؟؟
هل هي بسبب نوعيه المواضيع أم بسبب نوعية الردود؟؟؟

بنسبه لي ..قراءة ردود الأعضاء تجذبني أكثر من الموضوع الذي يتم طرحه..
منتدانا يكتظ بالمواضيع الرائعه والمميزه وجميعها أو غالبية المواضيع
منقوله من منتديات أخرى و هذا لاعيب فيه فجميع المنتديات تلطش من بعضها

ولكن لو أخذنا أحسن موضوع وكان هذا الموضوع مكسر الدنيا في أحد أفضل المنتديات
ونزلناه في منتدانا لفشل الموضوع وذلك بسبب الردود..

هل تعلمين بأن الردود هي مناقشات يعني سوالف وكلام والكلام يجر بعضه يعني بالأخير تجر الأعضاء للمنتدى.

قاعد أتنافض من البرد ماعندنا رد..

غير كذا..العضو عندنا يطول ..يالله يرد على موضوعك ..المنتدى وينه ..يووه نسيت إنه برفحا..
وأنا في عرعر طيب عجل لايتأخر ردك مايصير الكلام هذا نوب أحس رسالة البريد أسرع منهم..

ونوبات تشوفينهم مدافع ومكازز على قراية الموضوع وحافظ عددهم فوق عشرين زاير ..تغيب الشمس وتطلع الشمس
أثاريهم راقدين من غير مايتعشون وصاحب الموضوع سهران ينتظرهم علشان يردوون!!
يمكن بكره يقعدون ويردوون؟؟

طيب كم رقم المنتدى دايم خطهم مشغول ..خرعونا ماأحد يرد علينا الأعضاء وش سالفتهم..

جاني علم يقولون
فيه اأعضاء مو راعين ردود ..الولد متخصص يجيب مواضيع وبس..
والبعض مو راعين مواضيع.. متخصص ردود وبس..
والبعض متخص بالشعر
والبعض متخص إسلاميات
والبعض متخص بالفرفشه
والبعض يضحك
والبعض حزين
والبعض وجوده مثل عدمه
من غير المتغيبين
وغيرها من التخصصات
وشلووون تبين يصير تفاااعل بينهم وكل صنف منطوي على نفسه..

نداء عاجل لكل عضو ..مايرد ويشارك زملائه
(رد علينا ترى القبيله تبغاك)

خبوله
04-19-2011, 03:03 PM
صح لسانك
عز الله المنتدى سمعت عنه انه حماس وردووود كثيره
بس من دخلت و سجلت وانا احط في ذا المواضيع ولا احد يرد علي الا قليل وشفت عكس اللي سمعت

وين السلاطين ويـــــــــــــــــــــــــــــــن
خبوووله

سهران والدنيا نعسانه
04-19-2011, 04:44 PM
والله يا الراكد منت هين :tfkeer:........أثرايك مخوفهم..بعجرتك :bangin:.....وأنا أشوف المنتدى أمس زحمه :icq_offline:.....وأقول شنو اللي صاير...؟؟؟:tfkeer:


أثرايك مصرح هذا التصريح الأقشر.....:banned:

خلاص أنا اذا مالقيت أحد محضر بالمنتدى بعلمك....وما أوصيك عاد فيهم :zxcv6:

الراكد
04-19-2011, 06:27 PM
صح لسانك
عز الله المنتدى سمعت عنه انه حماس وردووود كثيره
بس من دخلت و سجلت وانا احط في ذا المواضيع ولا احد يرد علي الا قليل وشفت عكس اللي سمعت

وين السلاطين ويـــــــــــــــــــــــــــــــن
خبوووله

هههههههههههههههه
مشكور ع المرور
مثل ماقلتي ياوخيتي متغيره الأموور
وإن شاء الله يرجع المنتدى زي ماسمعتني عنه وأحسن..
نبي نسثمر أعمارنا هنيا
لابد يجي يوم نفتح المنتدى ونلقى مواضيع و ردود ونستانس وترتفع المعنويات...
شفتي وشلون
وسلامتكم

أقول أنتي ياليت تعطيني كنيه لك أحاول أتجنب إسم معرفك
بس مو تقولين إم خبيلاااان ترى أنجن
خخخخخخخخ

الراكد
04-19-2011, 07:29 PM
والله يا الراكد منت هين :tfkeer:........أثرايك مخوفهم..بعجرتك :bangin:.....وأنا أشوف المنتدى أمس زحمه :icq_offline:.....وأقول شنو اللي صاير...؟؟؟:tfkeer:


أثرايك مصرح هذا التصريح الأقشر.....:banned:

خلاص أنا اذا مالقيت أحد محضر بالمنتدى بعلمك....وما أوصيك عاد فيهم :zxcv6:



تبي الصحيح الفكره جتني بعد ماقريت مدونتك حسيت إنك طفشان وزهقان من الوضع في المنتدى
أكيد لما قريت كلامك تأثرت.. وكلامك كله صحيح..يعني أنت صاحب الفضل بإنطلاق العجره..:16:
طبعا سويت الموضوع هنيا علشان ماتصير رسميات نبغى نحل المشكله وحنا نضحك

ياخوي أبي أتفاعل وماني قادر أحس إني مكربن مدري ليش..
يعني أنصحكم وأبغى من ينصحني :trampoline:
تسلم عالمرور