وش حاجتي.. لا صرت بالحب لعّاب حرام أضيّع.. معك باقي سنيني

[الشرقيه]

وش حاجتي.. لا صرت بالحب لعّاب حرام أضيّع.. معك باقي سنيني

:line1:
خلك على صدك.. ترى خاطري طاب
ودعتك الله.. وابتــــــعد لا تجيـــــني


من صد.. دون أية عواريض وأسباب
أنهــــــيت حبٍ.. صـــــــار بينه وبيني


حتى إيش.. لو إنه من أدناة الأقراب
نفسي عزيزة.. والعرب خابريني


ماني عقب فرقاك.. عايش بلا أحباب
ولاني عقب فرقاك عايش حزيني


لا ساهرٍ لأجلك.. ولا الدمع سكاب
من أنت؟ حتى تبكي اليوم عيني


أصبحت في عيني مثل باقي الأغراب
إن رحت والا جيت ما أنت بظنيني


وش حاجتي.. لا صرت بالحب لعّاب
حرام أضيّع.. معك باقي سنيني


خذها بلا تسويف واحسب لها حساب
نـــــهاية المــــــقصود.. في كلمتيني


اللي يبي فرقاي.. قدامه الباب
واللي يبيني فوق راسي وعيني[/CENTER]

[Alclashi]

قصيده في قمه الإبداااع
سلمت يمينك ودآآآم إبداعك وتألقك وتميزك
لاتحرمنااااااا جديدك
تحيآآآآآآآآتي

[الراكد]

كلمات جميله ..يعطيك العافيه

[جزاء جبار السلطاني]

يقول المثل( من تغلى تخلى):s53::s53:الحقيقه قصيده جميله


وصح لسانك وفالك البيرق:hugs:

[أخـتـرتـك لـدربـي]

فرقاك ضيم وغيبتك كلها وجد
ياللي بقلبي من غلاك متواجد
يانور نجد ومن سكن في ثرى نجد
وحشتك وحشة ياسليل الاماجد
وعشرتك مجد ان كان لأهل الهواء مجد
كنك وحد لو غيرك من الناس واجد
أعذب من الغدق وكلام العتب بجد
مثل السحاب اللي سرا الليل هاجد
ياصاحبي لك عندي دقات الغلاء رجد
صدقة كريم ووزعت بالمساجد


( مـحـمـد الـحـربـي )