شبة النار

[محمد بن حدري الاسلمي]

يا محلا الجمعة الى شبـت النـار=في سهلةٍ والهم مـا لـه طـواري
يازين شبه من عقب هل الامطـار=رمثٍ وقـوده نشعلـه بالبـراري
اليا غدى بين الحطب يسعر اسعار=واهج سناها بالخـلا احتـراري
مع دلةٍ صفرا بهـا البـن و بهـار=كيف الرجال اهل الكرم والفخاري
نزيدها ما بين هيـلٍ و مسمـار=محموسةٍ شقـرا وبنـه هـراري
نصبها قندٍ مـن الكيـف ينـدار=في مجلسٍ فيـه الخـلاوي يمـاري
وسوالفٍ فيها من المجـد تذكـار=كلن بفعلـه للنواميـس شـاري
في وسط روضٍ امتلى نفل وأزهار=وعشب اعتلا بين الحجل والحباري
والوضح ترعى بين شعلٍ وابكـار=وراعٍ لها في كل منـدى يبـاري
عز الله انها جلسةٍ تفـرح انظـار=وتجلي همومٍ من زحـام الديـاري
وصلاة ربي عد ما تورق اشجـار=على النبي واعداد رمل الصحـاري

[فوز]

اللهم صلي على محمد تسلم يامحمد حدري قاعده اتخيل الجلسه ذكرتنا بالبر والطبيعه مو مثل صجة هالمكيفات اللي نقعد من النوم وروسنا كبر البيت يالله دخلك تسلم ياخوي وشاكره لك وننتظر المزيد

[فريح السلطاني]

الله يابو فهد يازين لامنك جبت الرمث وشبيته وحطيت دلالك وتقهويت شى عجيب صح .
صح لسانك يابطل دائما مميز بقصائدك الرائعه .
تقبل تحياتى ,,,