~غرور بشر قلوبهم من حجر~‎

[عزف الأمنيات]

بإقتناعي لا عشقت أعشـق وطبعـاً
لا كرهت أكـره بكيفـي وإقتناعـي

هذا أنا من يـوم مـا ربـي خلقنـي
فطري بإحساسي ولاَني بإصطناعـي

عاطفـي جـدًا وكلّـي شاعريّـه
وإنطوائي كثير وشـويّ اجتماعـي

وأنت بس أرجوك لا تزعـل وقـدّر
مثل ما أراعي لزوم إنّك تراعـي

يعني لو ما كنت أحبك لا أهـزّك
خلك أقوى من كلامي وإمتناعـي

كلمتين وقلتها لـك ألـف مـرة
بس شكلك ضقْت من كثرة سماعـي

قلت: "لو أقدر أحبك كـان أحبـك"
البلى إنّ الحب ما هـو بْمُستطاعـي

ليت والله تطلـب اللـي أستطيعـه
لجل تبقـى دوم مسموعـاً مُطاعـي

فالسموحه كـل شـيّ إلاّ شعـوري
مو لأيّ إنسـان شفّـي والِتياعـي

وإنت أكيد إنّك بتلقـى فـي حياتـك
من ينسّيـك بوصالـه إنقطاعـي

والحيـاه بتستمـرّ وشـي طبيعـي
لو تجي تسحب ذراعك من ذراعـي

ما أموت من المفارق وانت تـدري
وش بقول إنْ جيتني ناوي وداعـي

بختصار إنْ غبْت يالطيّـب تأكّـد
المفارق عنْك لا يعنـي ضياعـي

http://img105.herosh.com/2011/03/28/363588180.jpg




عــــــزف

[نوف العنزي]

مشكور اخوي عزف ع الطرح الاكثر من رائع يسلم وووووو نتنظر جديدك

[عزف الأمنيات]

نـــــــــــوف

مشكوره على المرور لاهنتي

عزف