ساهر بالليل ما جاني انوادي من ظلايم شيخ اجراهن علينا
صبرنا ما يصبره كود المهادي رافي خملة قصيره له سنينا
يوم شاف الجار بالنسوان عادي حزب النسوان عن علم يبينا
يا بو (...) منت على درب القوادي لك سنين مسملات مبتكينا
تبي تجري شيء ماهو قبل قادي ما ذكر في وقت أهلنا الاولينا
ندري إنك شيخ وعلومك ابعادي ومن قديم لا نبيك ولا تبينا
هات بن ياسين مع رايع الرمادي وجب اجنودك واللي معهم مشتهينا
لو تلم من غثيثين البوادي ما نطيعك والموازر في ايدينا
ما نطيع اللي يجينا بالعنادي لطمة الفسقان ما تشكل علينا
حنا ...... كل ما طال الجهادي يوم شين الوجه نصبح زايدينا
أنشد (.....) واللي عنهم عادي وش جرا من ضرب عطبين اليمينا
يوم جيتوا مثل عمدان الجرادي رحتوا مثل الصيد يوم إنا مشينا
يوم وصل الضرب مصقول الهنادي طاح ما به روح من حنا ولينا
كن جدع الروس تجديع الهوادي حنظل تحاذفوا به جاهلينا
عدوا عتيق فلا مثله امعادي غير نسكت كن حنا ما درينا
كيف ديرتنا تحط ابها الحدادي من شمال الخر امحرمها علينا
قول عنتر صدق ما غيره وكادي فاتن الاربع وحنا صابرينا
الوعد وإن سيل الله كل وادي حرمة اليسرا ترى الممشا يمينا
حرمت من اللي يعشّق بالعمادي وحلت بالاول على اللي فايتينا
كان احامر سال من حد الحمادي تبي سيله لك او سيله ما يجينا
مرتع الفطر عريضات النواديي رتعنه وبو من يزعل لعينا
يرتعنه كل وضحا بستنادي يرتعن القفر والخافي يبينا
لو نلوحك ساعة حسن المرادي يتلف التالف وتصفي من حدينا
يقصر حبل الرمث عن ورد العدامي ويشرب الماء الصافي من حبله متينا
عيب على شيخ ايلافه للبلادي يرجي الفزعة من المتوظفينا
حكم رب البيت ولا حكم العبادي نبي حكم الله ولا حكمك علينا
وسلامتكم
الشاعرالكبير شاعر العمارات وشاعر الدويله غانم اللميع
