|
** دقــــامة الـــعايــــــل **
ليا ذكرت إني من روس السلاطين *** ماعاد أدور للمخاســير ســبـه
مانـيب من يسهر على ليل ياعين *** أسـهر على جمرة غـضى وسط شـبه ولا نيب من يشره على هرجة الشين *** أشره على اللي يملك القلب حـــبه وأشوم عن قولة شـاعر نـساوين **** وأتعـب على الجزلات وأترك مـطبه وأهـيم في ماضي ربعي المسمين **** أهل البيوت النايفات الــــمــشبه دقـامة العايل لاعجت ميادين *** اللي يذبون الراس من فوق غبــه رجالهم واحد لكن بخـمسين **** ماسمحت سود الأيــام دربــه عدونا نسقــيه سموم الثعابين *** وحليفنا ياخذ على الراس حــبه مرباعنا قاع(ن) شـرات البساتين *** يلعبها الكدري لياهبهب مــهبه ومضيافنا ملفى رجال(ن) حشيمين *** يلقابه الطرقي من الكيف شــربه فــنجال طيني ماهو من الصين *** يطربك صبابه ويطربك صــبه وختامها صلوا على النبي الأمين *** على الرسول اللي فضله ربـــه وســـلامتكم للــشــاعر / فواز الحبيل |
قصيدة جزله صح السانك يافواز الحبيل
بس لو ذاكر بيت عن شيخ القبيلة حتى تكتمل القصيده |
صح لســانك
|
الله يعطيك العافيه اخى عبدالرحمن وصح لسان شاعرنا فواز ونبى منه المزيد
كل الود والاحترام |
شكرا على مرور الجميع
|
صح لسان ا لشاعر
|
إقتباس:
المشاركة الأصلية كتبت بواسطة ملك السلاطين http://www.ssss6.com/vb/ssss6-stail/...s/viewpost.gif صح لسان ا لشاعر صح بدنك |
ماشاء الله شاعر وجزل ابو عزيز
ليش ما يكتب معنا :ranting: |
شاعر مثل هذا مكسبه ذهب ياعبدالرحمن
المفروض انك تقنعه بالكتابه عندنا |
بارك الله فيك اخ عبدالرحمن وصح لسان الشاعر
|
| الساعة الآن 09:54 AM |
Powered by vBulletin™ Version 3.8.7
Copyright © 2024 vBulletin Solutions, Inc. All rights reserved.
diamond