,. الشــــبة و التـــــعاليـــــــل .,
 

بسم الله الرحمن الرحيم


اخواني واخواتي

السلام عليكم ورحمة الله وبركاته :

أبشركم بنينا بيت التعاليل الخاص بالتعلوليه الليليه وهناك الشبه لهبة الريح والشبه الصباح و العصر وراعي
الشبه اول من يدخل او بالدور أما مايخص التعاليل فهي على طريقه تراثنا ولهجتناء وتملح بالكلمات ويكون
لكل ثلاثةايام عضوا ويختار موضوع مثل الغاز او شعر اونكت او استفسارات او قصص قصيرة او خباوي او لعبه يعني كأننا في ديوانيه مجلس وهناك
شروط لها والله يرضى عليكم احرصوا على طهارة القلوب وسلامة المنطق وحسن النوايا ويمنع منعاُ باتاً وقطعياً
الخروج بأي ضغينه او شحنا ء الابتعاد عن بكر الذنوب0(الغيبه)0 وان شاء الله بعد التجربه سوف نطلب من الادارة التطوير والله الموفق.

التعلوليه : يستلمها شخص من اللي قبله بعدموافقته ونجرد عليه البيت والمعاميل وهو المعزب
وعليه المقدمه والترحيب والتقليط والتنسيق بين الاعضاء في المشاركه يقول السالفه عندك يافلان
وفلان يرد ويله قلنا بلهجتنا 0000بالعاميه000
*مدة استلام البيت ثلاثة ايام والمعزب يبنيه بديرته او يختار له ديره وحنا نجيه0
الشبه: مكمله للتعلوليه اللي يدخل اول يشب وينتظرربعنا ( وتعليق ووناسه يعني تظييع طفش)
*مدتها مرتان باليوم صبح وعصر فقط تدخل اول واحد الصبح اوالعصراذكر هذه العباره( شبة صباح يوم ( ) عند اخوكم فلان حياكم الله) والتاريخ



الاهداف:
01المحافظه على الترابط والمعلوميه بأخبارابناء العمومه في المناطق في مجلس لليلي وشبات القهوه.
02الاحتكاك بالتخاطب الجماعي للبحث عن النصيحه الحكمه البسمه الموعضه الخطابه قبول الاخروووووو
03 تعويد النفوس على المحافة على العلاقه بصرف النظر عن جميع الاسباب .
04التعود على اتحدث بالموجود فقط لتجنب التحدث بالغائب.
05 مساعدت بعضنا البعض في المناطق.


هذه تجربه ونتقبل الاراء من الجميع وعند الاكتمال سوف نضع التعليمات والشروحات وبالتوفيق



البداية:


بسم الله :
التعلوليه الليله عند اخوكم انساآآآن: الموضوع : وعليكم السلام ورحمة الله وبركاته



ان شاء الله تعجبكم:heart_2: حيل ::7eeak:

الشبة عند اخوكم ( انساااان) على شاطئ الهافمون بالشرقية صباح الثلاثاء 15/7

حياكم الله عسى مانتم نوما


شبينا النار وحمسنا القهوه وكسرنا الفنجال وفرشنا الفرش والمراكي

وغوري الساي على الجمر والتمر وبنينا قاطع على شأن خواتنا


من اول ماصبله القهوه يالله بالوجه الفليح



حياك تقو واانشد على سيفك هلوووو هلووووو

(( اي واحد له شغل بالدمام او استفسار او اي خدمه انا مستعد اخدمه )

هلاااا هلااااابك

حياك الله واناخوك

يالله حيه تقهو


اعذرني مانهجت للمدرسه ولا تعلمت عند الكتاب انقليزي
ماعرف انطق اسمك يافلان ييييس ييييس

صبحكم الله بالخير

أعتذر عن القهوه

قلت أسلم عليكم وأنا مستعجل وطالع

ونعم أردى فعايلك


مجلس عامر بإذن الله , صب فنجااااااااااال راسي يفر جت بوقتها هالشبة مستلم ياخوك ومكروف :(

هاذى عوايدك

وبالنسبة للشاهى أبى أشرب من الأبريق اللى سويتة على طريق رفحاء قرب الخشيبى هل تذكرة

ياراعي المجلس وينك هههههه


ابو بدر تفضل اقدع وتقهو لين يخلص الشاااي :lllolll:

مساكم الله بالخير

اخباركم

مامن أحد ولا من قهوه

اسير عليكم بعدين

تقول تذكره ماتنسي يابو بدر


ايام اثر غنم عمه اه عليها ايام حلوه




تصدق أبو بدر اخاف يفضحنا ويقول اسم البريق


ا ههههههههههههههههههههه

صباح الخير

وين راعي الشبه ؟

مرحبا يافهد

موجود صبلي قهوه يابعد كبدي

فنجالن طيب

وعلومك وشلون الربع وشرايك بلقاء ابو شريف

الحمدلله

ابو جنيب مسافر القيصومه رايح لأمه الله يطول بعمرها

أكرمك الله يامعزب طالع ابقظيلي كم حاجه

مع السلامه

أبو ثامر السالفة هاذى غير سالفة أثر دمن غنم عمة

وتبى الصراحة والله أنى خايف أنة يجيب العيد ويذكر أسم الأبريق الله يستر بسترة

الا هي يابو بدر

وحنا راجعين سوى لنا شاي بالبريق اللي اسمه ابو .. .. نسبة لخال واحد كان معنا


ذاكرتي ماتخوني ابد يابو بدر هع هع ترى ان عاندت معي قلت اسم البريق صريح اقصر الموضوع الله يحييك

السلام عليكم

موجود احد بالمشب

حياكم الله يالبنيخي000

المعذره رحت اجيب حطب من النفود بجنبنا ماهي بعيد قرطة عصى (200) كيلو بس

وقالوا اني اخرب البيئه ووقفوني واخذوا الحطب ودوه لمشابهم وياويل البيئه منهم هم

وجيتكم000



الاخ : جزاء تقهو يقولون الشرقيه ماحد يشب نار النار مشبوبه خلقه بالحفر والدمام خدر شاي من الحنفيه مباشره

يعني الماء بهالوقت في هالمنطقه للطبخ وليس للغسيل لاتوهق اكلناها قبلك ياحليلك ياعرعر هههه.


الاخ : ناصر عبيدالله , حياك الله في ذيك الرحله العيد جاي جاي اوله يوم تخبط الطياره العراقيه والحمد لله سلمنا منها
وثانيها نبي نعطي رموز علشان المشاهد يزداد اشتياقه ( حمول البصل + الخيزرانه + الترك+ الطائرة العراقيه)
والله مشكله حوادث طيران وحوادث سيارات اكيد يزين الشاي بعدها, ابشر ببراد مثله بس بدون حوادث هههه

وعليك سالفة توفيتت الساعه للسفر الى عرعر لازم تسولفها بالتعلوليه والفنجال عندك.......هههههههه


الاخ :ابو نواف هلابك جداً رائع : وعليك سالفة الصوره ومكان الصوره اللي انت جالس بين هالجيلان لازم حدثت سالفه,


الاخ : الزير هلابك عليك سالفة راعي صفقة الكف اللي أنت توهقت معه ههههههه .


وهلااا بالجميع الليله حصلنا لكم ثلاثة سوالف وانا ابرش ماء قدام البيت ع شان تزين التعلوليه



وحياكم الله

ياشباب :


الشبه : قلنا صبح وعصر

يعني اللي يدخل ماقدامه احد هو راعي الشبه والبقيه مجلس وسوالف وان مالقوا سوالف ( قطعون براعي الشبه) تعليق وتصفيق

التعلوليه:

راحه للمعزب : ثلاثة ايام : يعني من المغرب يكون النظام تعلوليه الى الفجر سوالف نكت شعر اراء نقاش خباوي نصائح
تقاطيع شطحات ضحكات تعليقات بين الموجودين كل واحد له مركى والمخومس كله مجلس بهالقمراء ولجة سلاطين بطلابه




ياشينين مابكم احد عطانا راي تحسين منا والا منا هه والا هه الين هذي هي اهم شئ بالعاميه

السلام عليكم


الله يحييكم

اقلطوا يا اخوان قدامكم الاخ شامخ ملبد من الظهر والله مادري

يمكن حاط الفروه على المركى او ناسي فروته


ابو بدر تونا مصلين ومتعشين

عطنا السالفه

واعذرونا من القصور وبيوت الشعر والصنادق
وراعي الغنم ماهوقريب والا ذبحنا حديكم لهن

هلااابك اخي


اخي التقيد بالوقت المحدد يفشل التجمع ولأجل ذلك وضعنا شبه وتعلوليه وهي كافيه لتغطية الوقت

وعند التطبيق سوف تلاحظ التواجد صباح شبه لمن يتواجد الصباح ادخل اما ان تشب او تقهوا ضع المشاركه وسوف نجدها
العصر كفيله لمن يدخل العصر

الليل هي الرسميه في التعلوليه يمكن ارد خلال الثلاثة ايام مو شرط باليوم نفسه للتحظير

لها مثل طلبت منك اليوم سالفه لك خلال استلامي للتعلوليه واذا لم ترد خلال هذا الوقت سوف نطبق
جزاءات مثل جزاء الاولين وهي في الاحق بأذن الله


المهام بسيطه وفقك ربي

حيالكم الله الشبة عندنا ياشباب أقلطوا

ونعم ابو بدر , كفو

ابو بدر مو انك اكبر مني تخليني اقهويك وانت اللي مسوي الشبه :(


بما أنك المعزب الليلة ياليت تقص لنا عن رمضاناتكم أيام الشباب وش كان البرنامج في ظل غياب التقنية الحالية عن جيلكم ..

حياك الله باأبوفهد

بس لو أنك ما جبت سالفة جيلكم 0000 رمضان لهو روحانية خاصة وطعم ثانى أذكر وحنا أصغار بالكويت

وايام الحر كانوا يحطون الفيمتو بصطول حديد ما كنا نعرف الدولكة حقت العصير والله لايوريك الواحد يطلع

أدرع من الفيمتو

وكانوا الجماعة كل يوم الفطور عند واحد كان فية ألفة لكن هالوقت زين تلقا واحد يفطر عندك وما كنا نعرف

الحلويات والفطائر اللى موجودة اليوم الله لا يغير علينا

وسنة من السنين عام 1401 كنت بالاردن للدراسة أنا وأحد الشباب وهل علينا شهر رمضان المبارك وتعرف

كل بلد لهو طبيعة وأنعزمنا عند واحد من الاخوة الاردنيين وحنا ياربعك متعودين على القهوة على الفطور والجماعة

يفطرون على عصير وكيك قام اللى معى وقال وين المطبخ وسوا قهوة وتقهوينا بعد الفطور 0 ويطول عمرك يا أبوفهد

مساكم الله بالخير اجمعين

وشلونك ياانسان شلونك ابو بدر

بالنسبه للصور هذي بتركيا ( أوزنقل ) ياسلام على ذيك القعده براد وشاي تركي على كيفك

لازم تضبطلنا لوخضار صناعي بهالمشب ههههههه

رمضان وايام زمان له حلاوته


واحلى مافيه الشبات والتجمعات

بغير كلفه بساطه وكان (الذكيره) اللي اختفت جامعتنا

بدوريات رمضان وكنا حنا والموتى نأكل سواء ليتها عدلت
ولا انهيت يعني النيه من ذكيره الى صدقه كنا نعرف
مواعين بعضنا من (الطعمه) مع قلت المواعين

والان اكثر واكبر شئ بالبيت المطبخ ومواعينه والجار مايشوف صحين شوربه واحد

الله يقلل الصحون علشان نرجع زي زمان الاربعه في صحن شوربه واحد

كان الطبخ قلييل والعطاء كثير

الان الطبخ كثير والاهداء قليل بل شبه معدوم لعدم التفرغ

طبخ من الصباح الى بعد المغرب وش نأكل قليل


مثل انا وناصر كنا نأكل تمره وقهوه وملعقتان شوربه والصلاه بعدها على منقل الجمر الشاي وااااااااااااااااااا

الله يابو بدر يذكر الايام السابقه (الساعه مادقت) هههههههههه

حياك ربى أبو نواف أقلط تقهوا فنجال وعلوم أرجال

وأنتم لا تطولون لأنى ماشى للرياض الفجر أن شاء الله والشبة عند الزير

هلاااا ابو نواف


ارضنا يا اخي تزرع برتقال يثمر بطاطس

تزرع ثيل يطلع شوك والا يقشونك البلديه خوف من احياء الارض

لاكن بوزع نظارات بعدسات خضراء وش رأيك تمام

والا هاك المكان بعيد علينا ولونه عندنا مايتركونه اهل الغنيم تلقاه كله شبوك