![]() |
دموع الفقرفي عيون اليتيمات
يقول المثل "اللي مايحس بوجع الناس محديحس بوجعه ".
معاناه لمسهاالسجين وهوداخل السجن وشال همهم ونسي همه للفقر دمعه في عيون اليتيمات يابوعمر كانه على الصوت شوي تدري وش أكبرحلم عندالصغيرات وتقول ياليت إن أبويه بقى حي وتدري بأقسى شي عند الكبيرات إنه تموت من العطش ماتبي مي ستة خوات طاهرات و عفيفات مات الأبو وخلى وراهن ولا شي ياوجدعيني من الدموع الأليمات من كثرماها واشكة تفقد الضي وياوجدقلبي لأظلم الليل بسكات قامت تصافق راحتي براحة يدي ياوقت دونك وش تبي بالضعيفات متى على الله ينطلق قيد رجلي والله و بإذن الله تعيشن أميرات وتزهر بساتين العمر بكثرة الري آبواليتيمات محمدبن هزاع السلطاني |
فرج الله كربه وصح لسانه فيه قصايد........ تستا هل ترد عليها ......ولا تكاسل أقولها روعه بليا ماجامل |
الله يفك كربه
|
أشكرتعليقك أخي الملثم وننتظرفك اللثام لنرى الابداعات الحقيقيه
|
أميرة الورد تقبل الله دعاءك
وجزاكي الله خيروعقبال ماتجمعين هالاوراق المبعثره |
..
الله يكون بعونه ويفرج كربته و يرجع لهن تحية ملؤهـا التقدير *بواسطتي |
شكرآ للتثبيت
مشكورة يادندنة على تثبيت القصيدة مع أني كتبتهافي عجالة ولكن خاطرة مرت وعبرت
|
صح لسان الشاعر
والله يفك كرب أخونا محمدويرجع لي أهلة قريب بإذن الله |
صح بدنكوالله يسترعليك يالدانه
|
ياوقت دونك وش تبي بالضعيفات
متى على الله ينطلق قيد رجلي والله و بإذن الله تعيشن أميرات وتزهر بساتين العمر بكثرة الري يارب يارب يعفون عنك يارب يارب حنن قلوبهم علشان يعفون عنك يارب |
يارب توفق كل من يدعي لي وتسترعليه يارحمن يارحيم
|
يارب دعوتك في هذه الساعة من الليل كي تفك اسره وترجعه لأهله ....اللهم استجب ..........آميييييييييين
|
الله يجزاك الجنه ياقدوة رسول الله وجمعك الله مع الصديقين والشهداء والصالحين.
|
الله يكون بعونهم وجزاك الله خير ابو ياسر عنهم خير الجزاء وجعلها الله في موازين حسناتك
وانا متأكده ان صوت الفقراء قد لبى نداك وهو دائم سباق لذالك ولا يمكن ان ينسى جاره قبل كل شيئ |
أشكرتعليقك ومرورك يابرنسيسة وهذي كانت خاطرة فقط
|
ياجماعه انا مادريت عن القصيده الا هلحين ولم انساهم نهائي ولا ينقل هم يعتبرهم من ابنائي والحمدلله وصلهم الي الله قدرنا عليه وبدون ماتوصون عليهم لحم حق الجيره علينا وبشر لعيونك
|
الاخ محمد انقل لك ماقال السديري
لولا الهرم والفقر والثالث الموت يالأدمي بالكون ياعظم شأنك لولا الثلاث وشأن من قدرالفوت نفذت كل اللي يقوله لسانك الى ابو عمر انقل لك ماقال الشاعر الفطن بين ... الريال... وبين.. شيمات.. الرجال حرب (ن) ضروس (ن) قل من يفطن لها نار(ن)..... لها. بين. المعاليق..... اشتعال ماتحرق... إلا. من.. بجوفه.......... شلها أحدن.. رقى... للعز.. في ..روس. العلال واحدن ..على... عزه... دموعه...... هلها والى من اطلع انقل لك قول الشاعر 00والطير بالجنحان ما أحلى رفيفه 0000000000000000000000واليا انكسر حدا 00الجناحين 0ماطار 00ويمنى بلايسرى تراها ضعيفه 0000000000000000000000رجل(ن) بلا ربع(ن) على الغبن صبار ولقمتي انا وعيالي بيننا وبينهم مقسومه بأذن المولى لين يفرجها الله كل التقدير والاحترام اخي:hearts1: |
الأيتام جزء من مجتمعنا وهم بأمس الحاجه إلى العطف والمساعده فلماذا لانساعد مادمنا قادرين لك جزيل الشكر على هذا الطرح المميز |
الله يفرج كريتك
ويرجعك لاهلك سالم وغانم |
رد
قصيدة رائعة من أنسان رائع
نسأل المولى عزوجل أن يفك أسرك وترجع لاهلك سالما ان شاءالله واليتيمات ولله الحمد ان شاءالله انهن بخير مادام عزوتهن سلاطين |
رحمك الله يامحمد
|
الله يرحمك ياخوي
|
الله يرحمناا برحمته يااارب يكون بعونه
|
الله يرحمك ياخوي ماتهنيت بحياتك الله يرحمك ويسكنك فسيح جناته
|
الساعة الآن 05:48 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
diamond