|
يا زين وقتن فات ما هوب هالحين
يا زين وقتن فات ما هوب هالحين يـوم النوايـا كلهـن صافياتـي و الحقد ما يوجد و دايم سعيديـن ونفوسنا سمحـة وسكـر نباتـي و بيوتنا ونسه و لا به شياطيـن ما يدخله صـورة ولا منكراتـي و يطرد ظلام الليل عنا سراجيـن و أحيان يقضي قازهن طافياتـي مشروبنا صافي من الزير ولبيـن ماهوب مستورد سريـع الفواتـي ما صنعوه الغرب يا فالهم شيـن مابه مواد الحفـظ و مسرطناتـي وعشينا مرقوق بيـن العشاويـن تحطه أمي قبل وقـت الصلاتـي لقمة هنيه طيبـه طعمهـا زيـن تحوفهـا بيدينهـا الطاهـراتـي ثمن ننام إلـى قضينـا مصليـن بعد العشاء كلـن يريـد المباتـي و أمي تنومنا بزيـن السباحيـن سوالفـن مـن عندهـا طيباتـي ننام من بدري ونصحى نشيطيـن بعد الشروق أشغالنـا جاهزاتـي ما به كسل لأشغالنـا مستعديـن ما عندنا سايـق و لا خادماتـي نلبس بيوم العيد ثـوب السباهيـن و أم تحنينـا نمـاري البنـاتـي مقيالنـا بمجببـن بيـن بابـيـن فيه الهواء يطرق جميع الجهاتـي نشب نـارن بالشتـاء و متدفيـن مـا فيـه دفايـات و مكيفاتـي يجي المطر و ثيابنا تنتلي طيـن و نلعب جميع عيالنـا و البناتـي يصب مثعبنا ونملـى المواعيـن يا حلو ذاك الماء و ذيك الحياتـي ماهي حياة الحين ياشين هالحيـن كله غثـاء وهمومنـا كاثراتـي كلش يجي لك لو بكلمـه تناديـن كلش توفر بـس مابـه حلاتـي صلاة ربي عد ما ترفـع يديـن على محمد صاحـب المعجزاتـي |
اقتباس:
|
يعطيك العافيه علي القصيده الجميله
|
اقتباس:
يعافيك ربي سعدت بتواجدك دمت بود |
اقتباس:
يعافيك ربي سعدت بتواجدك دمت بود |
بارك الله فيك (يامنسدح) وصف رائع وجميل والزمن الماضي ذهب بحلوه ومره. لكن بعيدة على قلبك ان تلعب مع البنيات يجي المطر و ثيابنا تنتلي طيـن و نلعب جميع عيالنـا و البناتـي تقبل مرور ابو فايز |
صـح لسـان كـاتبهـا ولا هنـت عَ نقلهـا رغـم تقليـب المـواجـع بـِ دواخلنـا كلمـا تـذكـرنـا الحيـاهـ المـاضيـه وحـلاوتهـا رغـم الصـعـوبـه التي كـانـوا عليهـا إلا أنهـا جميلـه ورائعـه . عكـس مـا نحـن عليـه في وقتنـا الحـالـي رغـم تـوفـر كـل ما نحتـاجـه إلا إننـا لـم نصـل إلى ربـع مـا كـانـوا عليـه في السـابق مـن تـواصـل وتـراحـم وَ ... وَ ... وَ ... إلخ |
(صلي الله عليه وسلم) ما اجمل ذلك الوقت الذي لن يعود ذكرتني بالماضي الرائع ماضي القلوب الطيبه والقلوب الصافيه والنقيه !!!. ذلك الوقت البشر كلهم بفطرتهم وبالبنه صافيه!!. ذهب بحلاوته ومرارته .. ذكرتني :) (بعظيم ابو ساري، وطاق طاق طاقيه ، وابوشليفه!!. ) :):) فعلا لا قيل الماضي لن يعود وقديمك نديمك ،.،. |
اقتباس:
هههههههههههههههههههههههههههههههه اهم شي البنات والا وشوله نلعب سعدت بتواجدك العطر دمت بود |
اقتباس:
صح بدنك ولاهنت على التواجد الطيب والرائع ويمكن يكون الزمان هو نفسه الزمان اللي فات بس المشكله في الانفس ونحن صدق الشاعر ابو طاقيه الي يقول : نعيب زماننا والعيب فينا <<< ومالزماننا عيب سوانا سعدت بتواجد دمت بود |
| الساعة الآن 02:41 PM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
diamond