منتديات السلاطين الرسمية - مواقف طريفه لعرسان جدد في ليلة الدخله..^

* عدة مواقف طريفه لعرسان جدد : *

* 1-حركه حلوه : *

عريس توووه أخذ عروسته من أهلها وموديها للبيت
(طبعا كان الوقت متأخر والشوارع تقريبا فاضيه في حارتهم )
قال العريس : وش رايك اوريك حركه حلوه ؟
(قصده يفحط , !! )
قالت :لا ما يحتاج
( البنت موناقصه ترويع كافي عليها أنت !!! )
قال : إلا إلا شوفي هذي ..
ولا صحت إلا بالمستشفى
وقضوا أجمل شهر عسل على الاسره البيضاء ... ..

* 2-أحفظ زين...! *

عريس دخل على عروسته وحط يده على جبهتها !!!!!!!!
وبعدين سكت
ويفكر ويفكر
ويحاول الأخ يتذكر الدعاء
يدورمن هنا وإلا هناك ولا لقاه
واخر شيء قال
" الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !!!
(معذوره وش ذااااااا الأخ بيسافر!!! )
* 3-جدول الضرب *

عرسان يسولفون لليلة العرس
(مكبرين المجلس )
ومافيه موضوع إلا وتكلمو عنه
(طبعا هذا أول يوم والسوالف الحلوة )
ووصلو لموضوع جدول الضرب
( أنا مدري وش اللي وصلهم له!! يبدو انه مدرس رياضيات)
قالت العروسه : تصدق حتى الآن ما حفظته .
قال : ولا يهمك وجاب ورقه وقلم وجلس يعلمها
3 في5 = 15 قولي وراي ......................... .
(قلبها حصة)
* 4-فريقي *

عرسان يسولفون , سألها : وش هو الفريق اللي تشجعينه ؟؟
قالت : (.....)
قال لها : وع ع ع ع ع ع
من زينهم هم ولعبهم أساسا فريقي (.... ) هزئهم

في الدوري 3/0 , وفريقي اخذ الكأس 10 مرات وفريقك ما أخذوه إلا مرتين , واساسا مدربهم ما عنده سالفة , واللاعب اللي جايبينه من برا ماسوا لهم شيء ولاعبكم اللي شايفين أنفسكم فيه هزئه المدافع حقنا و...... و.................... و....................
( الأخ أخذ جو وجاب السيرة الذاتية والتفصيلة للفريقين بـــــس مالاحظتو ا شيء غريب أن البنت ساكتة و فريقها يتهزأ )
وبعد ماخلص المحاضرة الطويلة , قالت له : تعال أبيك برا الغرفة !! يوم طلعو دخلت وصكت الباب بوجهه ونام المسكين في المقلط
( يا غبي وش ملقفك تهزأ فريقها !! كان صبرت كم يوم وبعد كذا
قل كل اللي بطبلونك )

* 5-القعده المحترمه ...! *

أخذ العريس عروسته واتجه إلى بيت أهله ( عشانه يسكن معهم) لكن
فوجئ انه كل أبواب البيت الداخلية مقفلة , وجلس بالحديقة هو وزوجته حاول الولد يدخل
للبيت باي شكل لكن مافيه فايده , ولا عنده تلفون عشان يكلم ولا يقدر
يروح ويترك زوجته لوحدها بالحديقة , ولا يقدر يروح لفندق لانه مامعه
أي إثباتات , ولا معه سياره أخوه وصلهم وراح لهذا اضطر يقعد قعده محترمة
لحد الفجر لما رجعو أهله ....!