منتديات السلاطين الرسمية

منتديات السلاطين الرسمية (http://www.alslateen.com/vb/index.php)
-   منتدى الشعر والشعراء (http://www.alslateen.com/vb/forumdisplay.php?f=28)
-   -   والمطوع لو يشوف خديـد سـاره (http://www.alslateen.com/vb/showthread.php?t=1332)

منسدح بالصاله 11-27-2008 03:56 PM

والمطوع لو يشوف خديـد سـاره
 
للشاعر ــ محمد ابن فهاد القحطاني المعروف بــ ابن حصيص


هيّض ابن حصيص في تالي نهاره=ألف قاف ٍ في ضميـره مدلجاتـي
ياوجودي وجــد مكسـور الجبـاره=آخـذ ٍ تسعيـن ليـلـه مايبـاتـي
أو وجود اللي خذا الحاكـم ديـاره=خـذ حلالـه والحريـم مسلّباتـي
عقب ماهو تاجر وراعـي أمـاره=صـار فـلاح ٍ وامـوره هيناتـي
أرتحل يـا فهيـد منبـوز الفقـاره=آركـي وحبـال كـوره كالفاتـي
آركي ومربّـع ٍ عشـب القـراره=ما علاه الشد من عشـر سنواتـي
ديرة ٍ ( ...* ) ما فيهـا صقـاره=غيـر شيبـان وعجـز محندباتـي
من خشوم ( ..*.) لي حد الزباره=جعل تمحـل والوشـوم مربعاتـي
صاحبـي بالوقـف مدهالـه وداره=ما سكن فـي ( ... *)والاّ (..*.)
ولعتني بالهـوى والزيـن سـاره=دلهتنـي عـن غناديـر البنـاتـي
يا حسايف بنت ذاك الجار سـاره=عند ابوها تـدّرجْ مثـل المهاتـي
ريق ساره مثل سكر في غضـاره=أو حليب ابكار عـرب مسمناتـي
والنهيد زبيدي ٍ فـي دعـب قـاره=في محير الماء القراح مصلّعاتـي
والثنايـا قحويـان فـي زبــاره=زاهي ٍ نبتـه علـى كـل النباتـي
راس ساره ذيل شقراً وسط غـاره=والجدايـل بالرشـوش مجدلاتـي
والمطوع لو يشوف خديـد سـاره=طبّق المصحف وعجّل بالصلاتـي
ما ذكر جار ٍ ذبح بالحـب جـــــاره=بالمبيسـم والثنـايـا المرهفـاتـي
حالف ما نسى ولا اسلى حب ساره=كود اهل شقرا يخلـون الصلاتـي
لايمي فاله حنيـش ٍ فـي مغـاره=سمّها يشظى العظـام الصالباتـي

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

* مابين الأقواس أسماء مدن لم أرغب في ذكرها.

روحي تحبك 11-29-2008 02:58 PM

مشكوووور علي القصيده الحلوووووه

منسدح بالصاله 11-29-2008 06:43 PM

اقتباس:

المشاركة الأصلية كتبت بواسطة روحي تحبك (المشاركة 9899)
مشكوووور علي القصيده الحلوووووه

هلا فيك اخوي


سعدت بتواجدك

عبدالعزيز السلطاني 11-30-2008 06:47 AM

يسلمو يالمنسدح على القصيدة الرائعة

منسدح بالصاله 11-30-2008 09:36 AM

اقتباس:

المشاركة الأصلية كتبت بواسطة عبدالعزيز السلطاني (المشاركة 9967)
يسلمو يالمنسدح على القصيدة الرائعة



يسلم غااااااااااااااااااليك


سعدت بتواجدك


الساعة الآن 08:03 AM

Powered by vBulletin™ Version 3.8.7
Copyright © 2025 vBulletin Solutions, Inc. All rights reserved. diamond