منتديات السلاطين الرسمية - ياصاحبي خل العلاقة بيننا حسب الاصول !!

ياصاحبي خل العلاقة بيننا حسب الاصول
علاقة الاجواد واصحاب الوجيه المنورة
:fasel5:
علاقةٍ تبقى على مرَ اليالي ماتزول
تزيد زود الطيب من فوق الجمر فالمبخرة
:fasel5:
خلك معي مانسمتع ياصاحبي في كل قول
بالذات من ناسٍ تحب التفرقة والشوشرة
:fasel5:
العالم اللي مالها مع حضرة الطيب قبول
ماعاد يفرق هرج واحدهم عن آهروج المره
:fasel5:
مدري يشيلون الحمول إليا اوكلوهم بالحمول ؟!!
اللي امتوكد منه : ياطيب العرب فالثرثرة
:fasel5:
لو كان ما كل الحكي راعيه لاقاله يطول
مثل الحياض اللي تخرخر : فرَغتها الخرخرة
:fasel5:
تعال ابشرح لك ظروفي بعد ماحان الحلول
نويت اعبر عن شعوري يازميلي وانشره
:fasel5:
انا انهبت عقلي هنوفٍ عند لحظات الوصول
فدبي وانا واقفٍ فالصف وسط الجمهرة
:fasel5:
تبسمتلي بالغنج ثم لفت الوجه الخجول
بلثامةٍ فتنة تزيّنها العيون المبهرة !!
:fasel5:
تمشي مثل مشي القطا // وانا وقفت امن الذهول
تقول واقف فوق روضة تحت مزنة ممطرة
:fasel5:
ثم اوقفت وقفة آناقة .. واهرجت هرج امعسول
امصارحة بالعشق واعيون المحب امعبرَه
:fasel5:
ثم اطلبت تبغا تشوف التذكرة وشبي عجول ؟!!
والعشر عندي عودت ثمان ماهي بعشره !!
:fasel5:
عطيتها لو كنت اداري سيرتي عرضٍ وطول
ولافقت غير ابعطرها مسكوب فوق التذكرة
:fasel5:
من يومها سهم الغلا ماله وسط قلبي نزول
عدّا على الرقم القياسي فالجنون وكسّره
:fasel5:
هي سلوة المشتاق مدري ويش اوصف ويش اقول
كل الحلا والزين في عيني نصيب : الجوهرة !!
:fasel5:
خوفي ظروف الدايرة من بيننا يومٍ تحول
لا طاحت اوراق الوصال // وطار فالجو اغبره
:fasel5:
صحيح مومن واتبع السنَة وماجا اعن الرسول
من شان هذا : باسئل الرحمن ربي واذكره
:fasel5:
يستر عليها امن الحسد واضعاف الانفس والعقول
اللي يحسبون الغصون اليابسة كالمثمرة !!
:fasel5:
مدري من اجروح الهوا // ولا من اهروج الخبول ؟!!
قمت اتغاضى عن بعض .. والبعض ارده وادحره
:fasel5:
ولاشك ما للناقصة في ديرة الحكمة ذلول
والذنب ما هو شرط عذر الجاهلين ايكفَره
:fasel5: