منتديات السلاطين الرسمية

منتديات السلاطين الرسمية (http://www.alslateen.com/vb/index.php)
-   منتدى الشعر والشعراء (http://www.alslateen.com/vb/forumdisplay.php?f=28)
-   -   {أموت مانزلت للناس قدري} (http://www.alslateen.com/vb/showthread.php?t=5898)

ابو باسل الحمادي 07-14-2010 06:18 PM

{أموت مانزلت للناس قدري}
 
تعبت اقول لضيقتي سهود ومهود
اليا متى هالعذر بيكون عذري

البارحة يوم اكثر العالم رقود
عادت علي اللي تجي منين مدري

الضيقة اللي كل ماراحت تعود
مكانها مابين قلبي وصدري

ناسٍ تنام مدهنة في دهن عود
وناسٍ تنام مدهنة بزيت مقري

لاواهني اللي حلالة من الذود
تسعين وضحى كل ماضاق يسري

يسج معها كل ماهبت النود
يتبع مسيل السيل في القاع يجري

ماهوب مثلي من اقرب الناس مجحود
الله يسامح من طعني بظهري

من راح ماكنه على القاع موجود
مايدري انه اول اسباب كسري

كل ماطرالي قلت من قلت الفود
ياليت منهو راح ماعاد يطري

لو تستحي من فعلها ايامي السود
كان استحت مبطي ولا طال صبري

قدمت بالموجود لخاطر الجود
لين التفت ولابقى شي حدري

عطيت من عمري ولا شفت مردود
ياللأسف للناس ضيعت عمري

واذا افرحوا واجد على طيحة العود
هذا دليل انه فعل شي يغري

بوقف لحالي واتبع الطيب والزود
اشره علي ان صغر الوقت كبري

ماني على بعض المخاليق محدود
امـــوت مانـــزَلت للناس قـــدري


... آتمنى ان تنال اعجابكم ..

الدانة 07-14-2010 09:31 PM

راقت لي
يعطيك العافية

الراكد 07-14-2010 10:52 PM

صح لسانك
...............

دندنة الرحيل 07-15-2010 01:20 AM


الضيقة اللي كل ماراحت تعود
مكانها مابين قلبي وصدري

ناسٍ تنام مدهنة في دهن عود
وناسٍ تنام مدهنة بزيت مقري



قصيدة مميزة
سعدت بالوقوف هنـا
صح لسانك واعتلآ شانك
والله لايحرمنا جديد الرائع

تحياتي لسموك

ابو باسل الحمادي 07-16-2010 05:25 PM

مشكورين على المرور


الساعة الآن 03:12 AM

Powered by vBulletin™ Version 3.8.7
Copyright © 2025 vBulletin Solutions, Inc. All rights reserved. diamond