جاك قلـب دام حبـك مايخـون
ماتغيـره الليـالـي والسنـيـن
مايخون الود لـو مهمـا يكـون
وده انك تعرفينه عـرف زيـن
ان عشق يعشق الى حد الجنون
وان قسى يقسا ولايمكـن يليـن
المحبـه والـمـوده ماتـهـون
اه.. ليتـك بـس والله تعرفيـن
والله اني ماتصنعـت الشجـون
ولاتصنعت المشاعـر والحنيـن
جيت احبك والمحبه الـف لـون
في زمانٍ فيه (غين) وفيه (شين)
صار فيه الحب تمثيـل وفنـون
ليه انا اذكـرك دامـك تذكريـن
ايه احبـك والبشـر مايعلمـون
ايه حبـك داخلـي كنـزٍ ثميـن
كنز غالي ماله لغيـري زبـون
حافظه مهما تروحيـن وتجيـن
اطلبـي ماتطلبيـنـه ياحـنـون
هاه قولي ياحياتـي وش تبيـن
لو تبين الشمس يانور العيـون
جبتها لك في كفـوف الراحتيـن
شايلٍ حبك ورى هاك الحصـون
في حصون الصدر لك حرزٍ مكين
وفالختام ابيـك تلغيـن الظنـون
ولاتمديـن الوصـل وتقطعيـن

فووووووووووز