منتديات السلاطين الرسمية - يا قمر وينه اللي كنت اشبهك فيه‎

منتديات السلاطين الرسمية (http://www.alslateen.com/vb/index.php)

- منتدى الشعر والشعراء (http://www.alslateen.com/vb/forumdisplay.php?f=28)

- - يا قمر وينه اللي كنت اشبهك فيه‎ (http://www.alslateen.com/vb/showthread.php?t=9850)

يا قمر وينه اللي كنت اشبهك فيه‎

ياقمر وينه اللي كنت أشبهك فيه
ليه ماعاد أشوفه مشرقٍ في سماي

يدري أني أحبه موت وأشتاق ليه
بس مدري علامه ممعن في جفاي

زاد شوقي لهمساته ونظرة عينيه
والله أنه وحشني موت غاية مناي

مدري وش به قطع وصلي وأنا ارتجيه
هو ملل منه والا هان عنده غلاي

كيف يقسى وأنا اللي بالوفاء محتويه
كيف ينسى وأنا اللي مرخص له رضاي

كيف يسلى وحبه نهر كنت أرتويه
كيف يرضى عليّ أموت حسره بضماي

كيف يرخص غرامي حسبي الله عليه
كيف يبعد وهو يدري بقربه شفاي

ياقمر وأنت تشهد كيف كنت أحتريه
من طلوعك بلهفة لين يزهر فضاي

لو لمحته أمانه قله أني أبيه
بس يكفى دخيله لا يزيد بجفاي

http://www.love-m.com/vb/images/smil...ation%2012.gif

عـــــزف

الله رااقت لي جداً ^_^ كلماتها حلووه

يعطيك العاافيه وسلمت يمناك ^^

الله الله إبداع متألق أبيات تلامس الوجداان
يسلموووو ..

كلمات في الصميم روعه بالاحساس

راقت لي هذه الرائعه

كل الشكر لك اخي عزف

قلم يستحق المتابعه

تقبل مروري

نــــ العــنـــزي ــــوف

غــربـــلـــنـــي

فـــــوز

كل الشكر حبايبي على المرور العطر

لاهنتو

عـــــزف