ياصقر ما احبك علشان راعيـك=خلاني أكره شوفتك وانت غالـي
خلاص ما احبك ولا احب طاريك=يضيق صدري يوم اشوفك اقبالي
أسباب ما بي كلها مـن تجنيـك=وصلتني ياطيـر حـد الهبالـي
ياكبر حظك صاحبي موت يغليـك=ياقـل حظـي آآه .. واعزتالـي
ماتصدق انه يوم ياقف ويدعيـك=آقف واللبي دعوته مـن خبالـي
يضيق صدري يوم اشوفه يناجيك=احـس بالغيـره تقطـع حبالـي
مخصوص لا منه تربع يعشيـك=وشال البريقع والتفت ما يبالـي
قومي بسرعه جعل ربي يخليـك=قانص ثمان ايام هاتـي دلالـي
مااقولها الا جعل ربـي يجازيـك=دايم معه وانـا وحيـده الحالـي
انا السبب خليته العـام يشريـك=غلطة عمر شريتها مـن حلالـي
ماكنت احسب انه عليّـه يبديك=الين شفت الضلع للحـرّ مالـي
ياطيرابن برمان ماكثـر بلاويـك=أنت السبب ياطير فيمـا جرالـي
نسيت يالغـدار يومـي أعشيـك=يومك مقرنس عندنـا بالظلالـي
عساه لاهدك يضيع الامـل فيـك=يجي بشيرك مات فوق الجبالـي
وامسح دموعك في يديني واعزيك=لاباس يالشيخ الكريـم المثالـي
خذني بدالـه مستعـده أسليـــك=خذني طلبتك ياكريـم السبــالـي