اقتباس:
المشاركة الأصلية كتبت بواسطة حسين الهادي
ابو ثامر: سلام الله عليك نريد منك طلباً ولا نقبل العذر بتاتاً
نخيرك ذكر احد الثلاث قصائد:
قصيدة ليلة عيد المحبين
قصيدتك وانت على السرير الابيض وانا في .............
قصيدة المطر (اللي فيها برق ورعد)
هذا الطلب بالاتفاق مع جزا |
ابوفارس ابي اكتبلك وحده من اللي طلبت قسم بالله تعبت من الكتابه وبعد مااخلص من النشبه لك قصيده اجمل من اللي طلبت كلهن ومشفره .
هذه قصيده بعنوان ( لحم البشر ناكله بسكوت )كتبتها في مستشفى عرعر المركزي بعد تنويمي به اكثر من خمسة عشر يوم على اثر نوبة سكر .
المركــزي كنهـا بــيـــــــروت ,,,,,,,والسستره احلا سنيوره
بعيون منهو يشوف الموت,,,,,,,مرضان والحـــــــال مخطوره
اليوم عــــــاشر يوم يفوت ,,,,,,, ومازالت الصحف منشوره
امهلت ياصاحب الملكوت ,,,,,, والكتب ســـــــودا ومدموره
بعد العشاء نلعب البالوت ,,,,,, وبعد العـــــصر نلعب الكوره
والظهر منهو بنا المبخوت ,,,,, اللي نزل قــــــــــــــــاع ممطوره
خضراء وفيها معاش وقوت ,,,,, وعــزي لمـن طـــــاح بالجـوره
وياحظ من يمسك الريموت ,,,,, ويصير شــور الربــع شــوره
مسلم ولايعبد الطــــاغوت ,,,,,, وشهادته حــــــــــــدها زوره
ولاروض حصانه المفلوت ,,,,, خلى الرســن بيـــــد ناطوره
هذا يثبت وهذا يشوت ,,,,, في عرض غافــــــــل ومستوره
لحم البشر نأكله بسكوت ,,,, ونغمسه تـقل شــــــــــــــــــــــابوره
وبالشام شخنا ولبسنا بشوت ,,,, وكلٍ بنا يلعب بـــــــــــــــــــدوره
استغفر الله بعالي الصوت ,,,, وانتي ياالايـــــــــــــــــــام مشكوره
ذقنا المعاصي مذاق التوت ,,,, وابليس زين لنـــــــــــــا الصوره
اضلنا الهــــــــافي السربوت ,,,,, والنــــــــفس بالذنــب مسحوره
يالله يامنجي راع الحوت ,,,,,,, يونس نبيــــــك من بحوره
ويذاكر الطفل والتابوت ,,,,,, وفرعون في محــــــكم السوره
تلطف قبل لايفوت الفوت ,,,,والروح تاصـــــــــــــل لحنجوره
وسلامتكم
اسف على خدش ذاقة متذوقين الشعر وذنبكم على حسوووووووووون
واعتذر للغالي الجارح عن اعتذاري له عن عدم نشر القصائد
والشي اللي لازم تعرفه ان هولاء مافياء واجبروني على النطق بالتهديد بخيزرانة ابوفايز
ارق التحاااااااايا