**********عن غربتي وعن حسرتي والتفاكير
قالت علامك ياولد دوم رحال
***********دايم تهاجر مثل مايفعل الطير
قلت آآآه كله سبة هموم واهوال
***********غربة ألم ياسائله ماني بخير
حزن الزمن والظلم والوقت والحال
***********وجروح قلب بوسط صدري مسامير
ودموع دايم فوق الاوجان تنهال
*********** ظاقت بي الايام مامن تدابير
وفيني هموم بداخلي مابتنقال
************ يعجز لساني شرحها والحكي يحير
قالت كفايه زدت بالقلب غربال
************قلت اقفلي ياعل دربك تياسير
قالت دقيقه بخاطري شي مازال
************سؤال حيرني وابي منك تفسير
قلت اسألي وانا بجاوبك بالحال
************قالت من انت ارجوك قلي وش تصير
ظحكت بس بظحكتي مدمعي سال
***********قلت آه يادنيا العنى والمخاسير
انا ولد رجال من نسل رجال
***********كانك تعرفي عمنا سالم الزير
حنانسل وايل عريبين الاسبال
*************ناسٍ بقص الراس دايم هوامير
ناسٍ لهم بالعز يابنت منزال
************تاريخهم بالعز مافيه تزوير
اهل الكرم والطيب فال علىٍ فال
*************زبانت الجالي سيوفٍ مشاهير
حنا عنزه مجلاسنا بن ودلال
************* لامن زعلنا ندمر القوم تدمير
تاريخنا بالعز مافيه من قال
*************الاونعم ونعم مافيه تقصير
تسجلت بافعال عناز الاقوال
************ وتدونت فينا الكتب للتذاكيتر
تاريخ كله مفخره فعل الابطال
*************نفخر ليا قلنا نسل سالم الزير
الرجل منا لاحكا قول وافعال
*************لودارت الايام حنا المشاهير
لواننا يابنت في وقت غربال
************* نصبر ونحمي عزنا ويش مايصير
الموت اهون لو علينا الزمن مال
**************دون الشرف والعز مانقبل الغير
نسل ابن وايل عز صباب فنجال
*************شجاعه وجود ونسل طيب وايجير
هذا انا يابنت من نسل رجال
************ فيه الافعال الي بها حكينا يحير
وراحت وهي تسحب مع الصوت موال
*************عز القبايل عز ياسالم الزير