هذه القصيدة رثاء في الشيخ العلامة الدكتور عبدالله بن جبرين رحمه الله رحمة واسعه
وأسكنه فسيح جناته
يايوم الاثنين يايوم الحزن والرحيل
يوم(ن) به الشيخ ابن جبرين شد الرحال
أعزي المسلمين بفقد شيخ(ن) جليل
شيخ(ن) ومن حزنها تبكي عليه الرجال
ياشيخ موتك خساره حيث مثلك قليل
والحمد لله نذكرها على كل حال
مثلك حرام الثرى ياشيخ فوقه يهيل
لكنها سنه الله ماعليها جدال
صلوا عليك البشر جولك بشمس المقيل
من شرقها والجنوب وغربها والشمال
يانفس ذي دبرة المعبود صبر(ن) جميل
الموت حق(ن) علينا والبشر للزوال
علاّمة العلم ابن جبرين علمك فضيل
والناس من علمك الفياض تشرب زلال
تركت مابيننا ياشيخ علم(ن) جزيل
بينت للناس بالفتوى حرام وحلال
وثقت فتواك يوم افتيتها بالدليل
على الكتاب وعلى السنه جواب السؤال
يالله يالله يامنشي رفيع المخيل
ياخالق الارض يامرسي عليها الجبال
انك تظله بظلك وانت ظلك ظليل
عساه في جنة الفردوس ياذا الجلال
القصيدة صوتيه من خلال الرابط التالي
شعر وأداء
منصور بن عبدالله المجيدل