:Islam_s_164:
هلا وغلا اخي العزيز وكل الود والتقديرللجميع
والعذر والسموحة على التأخير
- ماهي علاقتك بالشعر ؟!!
علاقتي بالشعر اصغاء واطلاع
2- منهو شاعرك المفضل ؟!!
كل شاعر يجبد ترتيب الكلمات الخاصة بالحكمة والنصيحة وتصوير الموقف الهادف والمؤثر
3- اعضاء في" مجلس السلاطين " تثق في ذائقتهم الشعرية ؟!!
جميع الاعضاء
4- بيت شعر يحضرك دائما ؟!!
لاخاب ضنك بالرفيق الموالى 00 مالك مشارية على باقي الناس
5- قصيده تعدها من اروعالقصائـد ؟!!
وأخير منها ركعتيـن(ن) بالاسحـار
يامـا حـلا ياعبيد حـزاة الاسحـار
جذب الفراش وشب ضـو المنـارة
مع دلة(ن) تجذا على واهـج النـار
ونجر(ن) إلى حـرك تزايـد عبـاره
في ربعة(ن) ماهيب تحجب عن الجار
لا من خطوى اللاش ما شـب نـاره
النجـر دق وجاوبـه كـل مــرار
مالفـه الملفـوف مـن دون جـاره
وأخير منها ركعتيـن(ن) بالاسحـار
لاطاب نوم اللـي حياتـه خسـاره
رافق قوي الديـن حفـاظ الاسـرار
ينفعك في يوم(ن) يجي بـه كـراره
تلقاه في يوم(ن)يضيعـن الافكـار
يوم(ن) على المخلوق ما اطول نهاره
وقم في قصير البيت حشمه ومقـدار
لو جار فادمح له ولو بـه خسـاره
ترى النبي وصّى على الجار لو جار
خذ الحذر ياعبيـد عقـب النـذاره
ترى الهوى والغي هن شر الاشـرار
ومن داس عار الناس داسوا لعـاره
جنـب ردي الكـار مافيـه تعبـار
مافيه مـن فعـل المناعيـر شـاره
جنب عنه خلـه لقصـاف الاعمـار
واحفظ وصاتـي يارفيـع المنـاره
واسلم ودم بالخير يا طيـر غيمـار
وصلوا على المختار ما غار غـاره
الشاعر والفارس والقائد رحمة الله
((تركي بن حميد((
شيخ قبيلة عتيبة
له نصوص كثيره تتصف بالحكمهوالتوجيه
لكن تبقى هذه القصيده عالقه في ذهنكل من قرأها
فهي نص ديني ثقافي فكري
متميز ..
6- هل لك محاولات في كتابه الشعر ؟!!
محاولات قليله وخصوصاً في ا لبيت الواحد
7- لك مساحة لكتابة بيتين مـن قلمكـ فـأمتعناا ؟!!
ابداء بأسم الله بـأ مني وخوفــي
عالم خفيات الصــدور وعلنــها
عالم دبيب النمل وسط الكهوفي
محيي نفوسٍ حصـنت في كفنها
ومن ثم اشكي للمحنـك ظـروفـي
من بـلوةٍ جتني تفـرق شغنـــــها
وانخاك يابليهان مقري الضيوفي
من نسل وايــل مزبنة من زبنـها
يابـوحسام الوقت اصبح كلــوفي
وماغيرك احــدٍ اشتكيله وهنــها
وصــلاة ربي عد ماشاف شــوفي
على النبي المختار مـوفي سننـها
8- لك مساحه بلآ حدود وحرية بلا قيود امتعنا بقصيدة على ذوقك ؟!!
يالله ياجال الامور المهمه ... تجلا وهج قلب برا حال راعيه
البر دجته والبحررحت يمه ... يقطعك ياحظ على الله مساعيه
يوم ان ولد اللاش رزقه على امه ... رزقي على اللي ميت القشع يحيه
يامل قلب كل مامات همه ... دارت دواليب الدهرلين تحييه
فراق شمل الناس عيا يلمه ... وقت يشيب الراس من شايةفيه
احد ينام وحط راسه بكمه ... واحد تخم النوم عينه وتخطيه
واحديحاول بالردى بنت عمه ... واحد يحاول ستر عذرى عوانيه
ماني وانا بندر ببياع دمه ... يقطعك يابياع دمه ومهفيه
اللي يبيع لابسات الازمه ... ثور يبابيض الرعابيب تغنيه
يزعل ليا جت ليلة الدور يمه ... يرضى بسوق المال فخوه وفابيه
خطو البخيل اللي يكبر معمه ... يقرا الكتاب وواجب الله يخليه
إمر هرج لك في رفيقه بنمه ... والا عطا وامه تضيع هقاويه
أنشدك ياللي كل فرض تتمه ... تقرا الكتاب وكل فرض تصليه
ويش القليب اللي غميق مجمه ... مافاد غرسه ماه وعطشى سوانيه
تخالف الانظار شرق ويمه ... وكل هدف رآيه من الناس مرضيه
سم السبب ياعارف عنه سمعه ... سم السبب ياعارفه قبل اسميه
الشاعر/بندر بن سرور رحمة الله عليه
كان بودي ذكر اكثر من قصيدة
مع كل التقدير والاحترام للجميع
:Islam_s_151:
ارشح الاخ/منسدح بالصاله:eh_s(17):