آخر قصيده يالدموع المذاريف = وعزي لمن كانت دموعه قصيده
ماغير آنادي فوق روس المشاريف = الصاحب الي غاب ربي يعيده
ماعاد يطربني هزيج الغطاريف = حزين دايم والخلايق سعيده
صغير سن وصاب عقلي تخاريف = ويلاه ياظروف الزمان الشديده
وين أنت ياغروٍ زهتك النفانيف = الشوق ناره في ظلوعي وقيده
إن نمت أشوفك في خيالاتي الطيف = فالقلب حبك جاريٍ مع وريده
وإن قمت كنك لي عطر زهرة الريف = والله آحبك يالغزال الفريده
غيابك آسرف بي وكسر مجاديف = أنا بعيد وصرتي أنتي بعيده
ذكراك ياروحي تهز السراجيف = ورجاي فالي مايخلي عبيده