هلابك كثر ماغرد على اغصان الشجر عصفور
وهلابك كثر ماطارت من اغلال القلم صوره
وهلابك كثر ماشد الظلام اللي طرده النور
وهلابك كثر ماهاجت على صمت البحر ثوره
يهليبك خفوق ٍ من عذابك صاير ٍ مشهور
رسمك احلا ملامح في خيال الدهر محفوره
نثرلك في خدود الطرس زخات الغلا بسطور
وكتبك احلا المواجع في سنين العمر وشهوره
يغنيبك يمد بجرح صمته للوصال جسور
وتغنيبك بيوت ٍ هايمات ٍ فيك مبهوره
ويناديبك شعاع ٍ فوق ضفات النهر مكسور
تراقص فوقه امواج ٍ من الابداع مسحوره
حبيبي لاتعاتبني اذا جا با لقصيد قصور
ترى في وصفك ابياتي من التقصير معذوره
وحبيبي لو تحس الجرح تعرف شاعرك معذور
تعذره قبل لاتبدا مطالع باقي سطوره
احبك كثرماغرد على اغصان الشجر عصفور
وأحبك كثر ماصاغو من ابيات الشعر صوره