بنت الشيوخ اللي يسمون العنـود
يطغا علـى ريـح الخزامـى فلهـا
تنبت لها ريضان قلبي عود عـود
تشفا لهـا روحـي ويبـرد غلهـا
زود على تاج الحلا دهنة اكبـود
كلي لهـا وهـي بعـد لـي كلهـا
وان طولت سود الليالي والوعود
واصل لها وان طولت واصل لهـا
مايجرح فؤاد الهـواوي زود زود
الا جفـا منهـو يحـب وذلـهـا
وانا احمد الله معه وضعي قود قود
افــوح ادلال الـغـلا وازلـهـا
وارد على جال الغزير من العـدود
اللي ضما نـزف الجـروح ايعلهـا
مايهتني بالـي ولايرتـاح كـود
لاشـاف زول ام الجدايـل فلـهـا
مااحلا من اعيون العنود الا العنود
واجمل من وجيه العـذارى ضلهـا
ان سولفت تنثـر سوالفهـا ورود
وان سلهمت لي بالعيـون فحلهـا