ياضيقة الصدر وش تبغين من صدري
سيفك علامك علـى صـدري تسلينـه
هو نقص مني وعندك نـازلٍ قـدري
ولا طبيعـه ومـن مثلـي تمريـنـه
وقفّت بينك وبين الوقـت والغـدري
ونظـرت فالوقـت يامكثـر مساكينـه
ثم زادت الضيقه اللي تشبه الجمـري
من حين كلٍ قـرب ثـم حـد سكينـه
حتى خوي الرخاء يدري ومن بدري
اني بحاجـة ولكـن مـا الله امعينـه
ينكر وفاي وجـزاي ايبادلـه نكـري
اعطيه جزله وهـو يعطينـي الشينـه
يوم انها صمّلت ماهو علـى خبـري
وفعل الردى للضعّيـف دايـم ايهينـه
انا اشهد اني خسرت وباينٍ خسـري
ياكيف شينـه تجـي مـردود للزينـه
لكن ابجري مع الدنيا وهـي تجـري
وابحتمل هالزمـن فـي شـده ولينـه