أفكار مبتكرة للاضاءة
حقيقة ليس من ثمة اختراع ... ولكن عبارة عن اعادة تجميع وتركيب مواد ومعدات تم الاستغناء عنها لعطب في احد اجزائها فلماذا لانستخدم القطع السليمه لاغراض اخرى !!
عموما المساله ليست بخل او شح وانما تشغيل مخ ...لوقف عمليات حلب الجيوب لاشياء ماتسوى.
الفكره الاولى:المواد:
* قاعدة كرسي دواري " تالف" وازالة العجلات.. ويمكن الاستعاضه عنه بطنب خيمه بدون عروة.
* ماسورة PVC الخاصه بالماء لاتزيد عن مترين وقطعها الى قسمين بحيث يكون اعلى السفلى جلبه كما في الصوره.
* لمبة فلورسنت 110 ويفضل تكون كاللتي بالصوره وثبيت النصف الاخر من الماسوره خلفها.
* اضافة عروه بالاعلى فيما لو اردت تعليقها.
والان مع الصور واللتي تغني عن الشرح.
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 650x382 الابعاد 56KB.
الفكره الثانيه:المواد:
* قاعدة انتل زينه.
* سلك كهربائي بطول 5 متر.
* حامل لمبه ويفضل من تلك اللتي تتحرك في اتجاهات مختلفه.
ماعليك الا ان تثبت الجميع كما بالصوره..
البديل عن مفتاح العجل، كيف تحل الصواميل المستعصية
(مفتاح العجل) كم من المرات تحتاجه ولم تجده, أو تجد شخصا متعطل بسببه فيطلب منك هذا المفتاح وتقع في الحرج !! خوفا من أن تعطيه إياه وتقع في نفس المأزق أو تعطيه يستخدمه فقط و " تقعد تشهد عليه " أقصد تنتظره حتى ينتهي من الفك والتركيب.
ماهو البديل ؟؟؟
الحاله الثانيه طريقة فك الصواميل عندما تكون مجيمه او مصديه او صعبة الفك بالطرق العاديه !!
ايضا بنفس الطريقه السابقه ولكن استخدم هذه المره اثنان من الاطناب ذات الراس المعقوف كاملا بشكل دائره.
وكما تشاهد بالصوره فهي ابلغ من الشرح...
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 570x365 الابعاد 34KB.
هنالك نقطه مهمه وهي عدم الضغط فجاْة على الطنب او العمود خشية ان يفلت .. او تنزلق يدك فتسقط على "الليور" او مفك العجل . فينبغي الاتزان جيدا بالاضافه الى موازنة النهايات ونقاط الارتكاز مع بعض.
كن نبيها واجعل مصدر القوه ساعديك لاجذعك لتبقى متزنا .
لاحاجكم الله اليها .... وشكرا
كما في الصوره ........ نعم Adjustable Wrench " لااعرف اسمها بالعربي" اسميها "سبانه" , وتتبع خطوات الصوره .. فقط قم بادخال بيب قوي في السبانه واوزن القبضه مضبوط بالنسبه للصاموله وتوكل على الله. أما في حالة عدم وجود بيب او ماسوره قويه فعليك بطنب خيمه وبنفس حركة الصوره. ولكن ازداد حرصا.
أسهل طريقة للصيد في الليل
الكثير من الشباب يحبون يصيدون الطيور وغالب صيد الطيور يكون في النهار. ليش؟ عشان فيه نور!!
ولكن في النهار إذا قربت من شجرة فيها طيور تلقى إنها تطير قبل لا تاصل لها بحول 30 متر وهذي مسافة بعيدة على ساكتون ولا خرازة عشان تصيد فيها الدخل ولا القميرية.
اما في الليل فتقد تلقاها بسهولة لكن كيف تصيدها؟
يقدر واحد من ربعك ينور بالكشاف على الهدف وتطلق عليه. ولكن في الليل ما تقدر تشوف لا الفريضة ولا الشعيرة حقت البندق!!! فوش العمل؟؟؟
انتم شفتوا الجنود الأمريكان في العراق واسلحتهم إلى عليها كشافات، و أيضاً رجال الشرطة في بعض الدول المتقدمة.
هذا الكشاف الصغير هو الحل يركب على البندق ولا يثقل
عن طريق قاعدة قوية تمسك في البندق من تحت ( ما تقدر تحطها فوق ولا تبي تغطي على الشعيرة و الفريضة )
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x480.
وانت ما عليك إلا إنك تصوب على الشجرة
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 640x480.
* ملاحظة مهمة:الرجاء الإنتباه للجهة التي تطلق إليها خوفاً من أن يكون هناك صيادون آخرون أو كشاته.
هذا الكشاف نوعه surefire ويباع لدى الهدف، مميزاته إن نوره قوي بالحيل حتى إنه من قوته ما صاروا يقيسون القوة بالشمعات. وترى مداه مهوب سهل على صغر حجمة
مميزاته إن بطاريته من نوع ليثيوم يعني مدة إضائة أطول!!!!
وأيضاً فيه معلاق عشان تعلقه في ثوبك إذا ما كنت مركبه ذاك اليوم على البندق.
والتركيب يكون عن طريق قاعدة تثبيت لكن لا تحط راس الكشاف تحت الفوهه على طول عشان ما يتضرر الكشاف.
أسرع طريقة لتعبئة الكفرات
هذا الجهاز ترهيم واعلمكم الطريقة
القطعه هذي اخذتها من ماطور هوا خربان
تثبت القطعه في بداية اللي عشان ينفتح البلف . وتلف الشطرطون عشان ما يطلع الهوا من بين الأجزاء المتحركه
الخرطوش اخذته من الكيس الي يرفع السياره ..
منفاخ لشب النار
بعض الأحيان تكون الضو أو النار ضعيفة أو تدخن الله يهديها وتروح تدور لك كرتون أو بلاستيك على شان تهف على النار ..
لكن هذي الفكرة ممتازة مرة وممكن تخليها معك دايم وسط العزبة .
خذلك ماصورة بطول 1 متر قريبا ولاهوب شرط أي مقاس تبي .. ودق خشته من قدام علشان تضيق الفتحة ويصعب خروج الهوء خل فيه تنسيم بحيث يكون دفع الهوء قوي .. بعدين حط الماصورة داخل الحطب وحط فمك في الماصورة وانفخ بقوة أو بشويش كيفك المهم ستجد ان ضغط الهواء يشغل النار .
طبعا انا حاط طول الماصورة 30 سم ومكمل الباقي بلي عشان الفها واحطها في العزبة .
جربوا مواصير الستاير تراها ممتازة .
سنادات سهلة التركيب
سنادات مصممة للظهر حتى تستطيع الجلوس والرحيل عنها بكل سهولة ويسر
نستخدم الحلقات التي تستخدم في تثبيت مواسير الماء ونربطها بلوح الخشب بواسطة براغي وصواميل
وتكون هذه الحلقات ثابتة على طول في الخشب ولا حاجة لنزعها