فـي ليلة الـفـقـد مــن يسـمع مواويـلك
يـا ناي حزني ، ومـن يبكي عـلى شـانـك ؟
ادميت حنجـرتـك بصـوتـك ، وقــنـديـلك
طــفى مـع آول لحـن مـوجـع مـن ألحانك !
حزين والنـاس لـو تسـمع ، بـتـرثـي لـك
وحيـد وتحـسّ بـالـغـربـة فـ أوطـانك ..!
مـا لك ليـا طال بـالـوحدة عـمـر لـيـلك ..
سـوى إنك تـسولف بحـزنـك لـ جـدرانـك !
مـاني بـ مثـلك ، لو اغـرق في تـفـاصـيلك
واحـكي بنبـرتك عـن حـزني .. لـ وجدانـك !
مـا لك خـليـلٍ مـثـل خـلي ، لو أحـكي لـك
عـن طـهر قـلبـه ، تبـي تـزهد في خـلانك !
زعـلتـه ، وعــذري ابيــض مـن منـاديـلك
لا شــربـت دمـوع تـنهــيـدك وحـرمانـك !
جـيت اعـتـذر لـه ، وقــال اللـه يـخـلي لـك
قـلبـك ، روى قـلبـي الـضامـي بـ نكـرانـك !
قصّـرت ، مـدري لـ مـتـى تـقصّر واعـدّي لك
ومـلـيت وآنـا اتـوسّـل غـيـمـة إحـسـانـك !
ابيـك تـمطـر عطـا ، وابـطـت هـمـالـيـلك ..
وبـديـت أعـلـق جـرس هـجـرك ، ونسيـانك !
تـهـزّه إن مـات قـلبـك ، وإنـهــدم حــيـلك ..
وآخــر ورود الـرجـا مـاتـت فـي بـسـتانـك ..
بـاتـركـك واوعـدك مـا ارجـع لك ولا اشـكـي لك
وان عـدت لـحـظـة ولـه ، لا تـفـك بـيـبـانـك !
وإن رحـت مـا هــمـنـي لـو تـنثــر اكـلـيـلك
عـلى قــبـر فـرحـتـي ، وتـعــدّد احــزانــك !
ما عـاد يـفـيـــد الــنـدم لـو طـال بـه لـيـلك
خــسـرتنـي مـن بـعـد مـا كـنت فـ احـضـانـك !
،
،
لِ الشاعر محمد السبيعي
|