ماهو بكفو الوقت حبك يمحيه..ابن فطيس

السلام عليكم ورحمة الله وبركاته



ماهـو بكفـو الوقـت حبـك يمحـيّـه
ياللي تخاف صـروف الايـام تمحـاه
ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه
حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه
حبـك علـى رملـة خفوقـي مواطيـه
ورياح عذلني عنك مـا تمسـح خطـاه
واللي يعـذل القلـب عـن درب غاليـه
الله بمـا يـبـلا الموالـيـف يـبـلاه
اخفيـه يابالفـيـت والـحـال يبـديـه
ادنـاة واحـد ينظـر الحـال يـقـراه
مخفيـه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه
قلب ٍ يحبـك والهـوى الـذرب ماليـه
كانـك مكذبنـي ؟؟ بعينـك تـحـلاه
شـرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه
وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه
وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه
وبتشوف حصن ٍ عـج الاقـدار سافيـه
وبتشوف باقـي بيـت راعيـه خـلاه
لا تنزعـج هـذا خفـوقـي وباقـيـه
ولا تضايـق مـن تصـدع زوايــاه
قـد زلزلـه فرقـا وهـزت عراويـه
والله ستـر والحـظ عـانـه وعـافـاه
وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه
ابغيـك بـس مـن المفـارق تداريـه
وازهل من يـداري شعـورك ويـدراه
وحلـل وحـرم فيـه يابـرك بلاويـه
وحلّه وراع رضاي ورضاك ورضـاه
جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه
انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه
تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه
ولا انت ردك كل ما ادعيك.. (( لبيـه))
انشهـد ان منتـوا بفيعيـنـي اشـبـاه
منت بمع العالم ولا تقـول لـي.. ليـه
انت ادرى منـي وش جوابـي وفحـواه
كذيـه... ومـن الله يـازيـن والـيـه
واغلا طـروش القلـب ودواه مـن داه
الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه
اعشق سميـك فـي البزاريـن وادعيـه
واقبـل خطـاه الـى اخطـا واتلـقـاه
واسمـك يروعنـي الـى مـر طاريـه
واحـب ملقـوف ٍ يسولـف وطــراه
وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه
حتى (توايـر) (موتـري) تلتفـت فيـه
تبغي تلـف ويستحـي العقـل والجـاه
وصلك يخيط الصـدر والبعـد يفريـه
ويابري حالـي كـان صديـت بريـاه
ويلي علـى ادري حبنـا ويـش تاليـه
وويلي على ادري وش ورى الغيب ويلاه
عشـان اشـوف اذا محبتـك ..ترفيـه
والله لا اقفي عنّـك....... واستغفـر الله

للشاعر ابن فطيس

شكرا لكــ أختي

المشاركة الأصلية كتبت بواسطة الأناضول

شكرا لكــ أختي

الشكــر لك على طيب الحضور
:line1:

انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه
تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه

هذه الانواع اعتبرها سرطان المجتمع وهو مرض خطير يفتك وينخر جسم المجتمع ، ما اكثر ضحايا ه.
خاصة من بنات حواء .
شكرا للشاعر ابن فطيس.
وشكراً لك (دندنه) على الاختيار

.

المشاركة الأصلية كتبت بواسطة ابو فايز

انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه
تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه

هذه الانواع اعتبرها سرطان المجتمع وهو مرض خطير يفتك وينخر جسم المجتمع ، ما اكثر ضحايا ه.
خاصة من بنات حواء .
شكرا للشاعر ابن فطيس.
وشكراً لك (دندنه) على الاختيار

.

الشكــرلك على طيب الإضافة والحضور
:line1:

شكرا دندنة الرحيل والله يعطيك العافية

أختيار جيد وصح لسان ابن فطيس وبارك الله فيك

والمزيد المزيد من الدرر

كل التقدير والاحترام

المشاركة الأصلية كتبت بواسطة ابو جنيب

شكرا دندنة الرحيل والله يعطيك العافية

أختيار جيد وصح لسان ابن فطيس وبارك الله فيك

والمزيد المزيد من الدرر

كل التقدير والاحترام

يعاافيك يارب

اشكرلك تواجدك العذب

:line1: