ـآلمـفـآرق عنْـك لا يعنـي ضيــآعـي

ـآلمـفـآرق عنْـك لا يعنـي ضيــآعـي

.......... والمعيشه معـك لا تعنـي متـآعــي

في كِلا الحاليـن مـا تفْـرق لأنّـي

.......... وآعـي ٍ لا رِحْت .. وإلاّ جيت وآعـي

أدري أنِّي حيّ بِـك .. وإلاّ بدونـك
.......... وأنت جزء من الحياة ولِك دوآعـي

بس ما يعني وجـودك فـي حياتـي
.......... إمتثالي دوم لأمْـرك.. وإنصياعـي

لي طريقي.. وأنت والله وإختـيـآركـ

.......... يا أبتعادك عن طريقي ..يا أتّباعـي

إقتنع في كـل مـا أسـوّي وأقولـه
.......... عقبها شوف أنطباعك .. كانطباعي؟

ولو تحسّ الإختـلاف بـردّ فعلـك

.......... لك طباعك يا عزيزي .. ولي طباعي

يعني لو إنت أندفاعي في شعـورك

.......... في شعوري ما ني مثلـك إندفاعـي

بإقتناعي لا عشقت أعشـق وطبعـاً

.......... لا كرهت أكـره بكيفـي وإقتناعـي

هذا أنا من يـوم مـا ربـي خلقنـي

.......... فطري بإحساسي ولاَني بإصطناعـي

عاطفـي جـدًا .. وكلّـي شاعريّـه

.......... وإنطوائي كثير وشـويّ إجتماعـي

وأنت بس أرجوك لا تزعـل وقـدّر

.......... مثل ما أراعي.. لزوم أنّك تراعـي

يعني لو ما كنت أحبك .. لا أهـزّك

.......... خلك أقوى من كلامي.. وإمتناعـي

كلمتين .. وقلتها لـك ألـف مـره

.......... بس شكلك ضقْت من كثرة سماعـي

قلت: "لو أقدر أحبك كـان أحبـك"
.......... البلى أنّ الحب ماهـو بْمُستطاعـي

ليت والله تطلـب إللـي أستطيعـه

.......... لجل تبقـى دوم مسموعـاً مُطاعـي

فالسموحه كـل شـيّ إلاّ شعـوري

.......... مو لأيّ أنسـان شفّـي والِتياعـي

وأنت أكيد أنّك بتلقـى فـي حياتـك

.......... من ينسّيـك بوصالـه .. إنقطاعـي

والحيـاة بتستمـرّ وشـي طبيعـي

.......... لو تجي تسحب ذراعك من ذراعـي

ما أموت من المفارق وأنت تـدري

.......... وش بقول أنْ جيتني ناوي وداعـي

بختصار أنْ غبْت يا الطيّـب.. تأكّـد

.......... المفارق عنْك .. لا يعنـي ضياعـي،،


مما راق لي

انتقاء جميل

المشاركة الأصلية كتبت بواسطة ولع

انتقاء جميل

وحضورك اجمل

عقد الدرر كما راق لك راق لي سلمت يداكي على هذا النقل وسلم ذوقك على هذا الانتقاء

المشاركة الأصلية كتبت بواسطة برنسيسه

عقد الدرر كما راق لك راق لي سلمت يداكي على هذا النقل وسلم ذوقك على هذا الانتقاء

لا عدمت تواجدك الرائع يا غاليه

بختصار أنْ غبْت يا الطيّـب.. تأكّـد

.......... المفارق عنْك .. لا يعنـي ضياعـي،،


صح لسانك واعتلى شانك
ولاهنتي على الاختيار الذووق
مودتي

المشاركة الأصلية كتبت بواسطة دنـدنـة الرحـيل

بختصار أنْ غبْت يا الطيّـب.. تأكّـد

.......... المفارق عنْك .. لا يعنـي ضياعـي،،


صح لسانك واعتلى شانك
ولاهنتي على الاختيار الذووق
مودتي

لاهنتي ع المرور ياغاليه