قصيدة لشاعر ياسر التويجري

قصيدة لشاعر ياسر التويجري في برنامج شاعر المليون

ولدت ساطي ومتغطرس وأحب الخصـام =ولا أعترف في إدارة طبـع والا مديـر
أوجدت نفسي مـن اللاشـي والانعـدام =نبذت فالمجتمع لانـي صريـح وفقيـر
ماكان تفكيري الا كيف أخطف السنـام =والحمد لله خطفت اليـوم كـل البعيـر
إن لم يكن مركزي بالصف الاول أمـام =ماعاد تفرق معي لو كنت قبـل الاخيـر
الله أكـبـر ولله البـقـاء والــداوم =وهو الاله الاحد وهو السميـع البصيـر
أخذت من مدرسة أحمد عليـه السـلام =مالا خذيته من مخاوى وزيـر واميـر
وأخذت من تجربة عبدالعزيـز الامـام =وش يصنع العلم لاخاواه سيف شطيـر
واخذت من فلسفة هتلر عدم اللالتـزام =وكسبت نفسي وريحت القلق والضميـر
وابشرك حالتـي دايـم علـى مايـرام =من ركعتين الفجر اليـن بعـد الاخيـر
صحيح عندي تحفظ على بعض الانـام =مثل معمر وابو مـازن وتونـي بليـر
لكـن انـا مااحـب اقلـل الاحـتـرام =واذهب ضحية طموح الغرب وانا صغير
قومية المسلمين اللـي عليهـا الكـلام =راحت معا خالد وعمرو وعلي والزبيـر
الله ولا ذل والتخـويـن والانـهــزام =ياعابدين العروش الوضع جـدا خطيـر
يابو خلف كيف حالك عل حالـك تمـام =انسى القصيدة وهات علوم اخوي الكبير
شيخ عرفته وتقريبا لي اربـع اعـوام =يومنـي اجيـه لا جايـر ولا مستجيـر
يشوقني له نشوق الوسم عقب الحيـام =في صفرة جوهـا ماهـو بفيـة هديـر
الشيخ ابو خالد محمـد عـداه المـلام =اللي يصير من الاصرار مـالا يصيـر
حـد الثمالـه اعـزه لا علـي الحـرام =اني احبـه وحـبٍ لـو درابـه يطيـر
يطير مثل الوحش لاضف ريشه وحـام =وحول على الذايره بالجو مثـل المغيـر
ان الملوك اذا اعطـوك حـب وغـرام =خلوك من سائر الخـدام يعنـي خفيـر
الا انـت ياراعـي التقديـر والاهتمـام =ياللي رحمت الصغير وشلت هم الكسيـر
اذا البلاط الاميـري والكنـب والرخـام =له شاعر يدهله في صبح والا عصيـر
فانا دهلت الثريـا و القمـر و الغمـام =وحولت اداهم طرف مشلحك مالي خشير
كفـرت بالناقصـه والغـدر والانتقـام =وامنت باانك حزامي بالنهـار العسيـر
من لايقدر ثباتك مـع عكـاك الزحـام =ماهو بوالله مقدر ويش معانـي جريـر
يارا س عيطا يا مسك البدء قبل الختـام =يالنادر اللي على صيد المكـارم شهيـر
يالمهدي المنتظـر بالحاجتيـن الجسـام =المدة المسكته والاخـذ بيـد الضريـر
ياسيدي ودي افهق لك ضلـوع العظـام =واعطيك شي بصدري وانت رجل خبير
اناتراني اعانـي نـوب مـن انفصـام =يوثر على البرمجة في راسي المستدير
واصير احس اني البارود والا الحسـام =في ساحة الشعر من تبوك لاقصى عسير
مما يسبب لبعـض اعدائـي الاحتـدام =اللي يحسبون قرض الشعر مثل الشعير
والشعر وان كانه المقصود باول مقـام =فالله يرحم ابو الطيـب ويرحـم زهيـر
روح التنافس وحب الشيخ والانضمـام =ماهي بتعني لدى الكثرة نهايـة مصيـر
والشاعر اللي معه عزوة خوال وعمـام =تفداه وايـل وترقـب مستعـدة مطيـر
والله فلا ينقهـر والا يضيـق ويضـام =لاجاء اللزز والملاقى والقبس والنذيـر
وجمع الدراهم ماهي باكبر طموح الغلام =اللي جمع من قلوب الناس شـي كثيـر
من حبني رغم تفويتـي لـه الانخـدام =واللي كرهني فهذا شخص ملعون صيـر
دام المعـارك صغيـره ماعلينـا لـزام =ينوب عن سيفي البتار اصغـر جفيـر
قرات فيماقراتـه مـن بلـوغ المـرام =اللي ترك شـي لله عاضـه الله بخيـر

الأمس الجريح
شكرا لك من أعماق قلبي على
هذه الذوق الرفيع أنت مبدع وراقي
تعجز كلماتي لإعطاك حقك من الثناء
أخي العزيز إسمح لي أن أقف لك
تقديرا وإجلا على هذا الطرح القيم لأصفق لك بكل حراره على
هذه الإختيارات الموفق .
أنت دينموا هذا القسم فلا تتوقف ونثر لنا كل ما هو جميل فلا يخرج
من المايسترو إلا كل ما هو رائع ومميز
حب بحجم السماء .
سأكون متابع لك في جميع أقسام هذا المنتدى لأنك رمز للإبداع والتميز .
دمتــــــ بــــــــود ,,,,,,,,,,,

الامس الجريح
شكراً جزيلاً هذه
الرائعه
ارق التحايا

قرات فيماقراتـه مـن بلـوغ المـرام اللي ترك شـي لله عاضـه الله بخيـر

الله يعوضنا كل خير وصح لسان الشاعر

وإختيار أنيق من شخص أنيق

تقبل إحترامي

صح لسانك ياسر


ويعطيك العافيه


اخي على

اختيارك

لهذا الشاعر المبدع


ننتظر منك المزيد

يعطيك العافيه ياالماستروووو

علي اذوووواقك الرائعه...