تعبت..!!!

تعبت من القصيد .. من الجروح .. من إنتظار طال

تعبت أستقبل طعون الزمن .. وأربت علـى كتفـه

تعبت من الكلام .. من السكوت إللي يهـد الحـال

تعبت أكثر من الحـزن الـذي ماينتهـي عزفـه

تعبت من الوعود .. من الصديق الطيب المحتـال

تعبت أعرف كل إللي تعـرف النـاس بالصدفـة

تعبت من العدو إللي عجـز يدخـل معـي بقتـال

تعبت من الظلام إلـي قتلـت .. ولا لقـى حتفـه

تعبت أسأل من المخطـي .. تعبـت أردد المـوال

مادامك ما سقيت الزرع..مالك حـق فـي قطفـه

تعبت ألقى الجواب المقنع إللـي ماعليـه جـدال

تعبت ألقـى طريـق مـا يكـون بآخـره شتفـه

تعبت أضفي على الصوت الحبيبة وردتين وشـال

تعبت أسمع صدى شامت يـردد طاحـت الغدفـه

تعبت أغازل البسمـة علـى ثغـر البكـا تختـال

تعبت أشوف شوفـي ينهـزم رغـم علـى أنفـه

تعبت أجامـل أيامـي .. ولـو ورتنـي الأهـوال

تعبت أقول عن حمل ثقيـل.. أتفـه مـن الأتفـه

تعبت أهز راسي غيظ .. وألقى في يـدي أغـلال

تعبت أسير خلف الوهم .. لو غيري ركض خلفـه

تعبت أشد وأنزل ما ظهـر لـي طيـب المنـزال

تعبت من الدروب إللـي مشيـت وكلهـا صلفـه

تعبت أرسم حروفي شمس .. وألمح بالوجيه ظلال

بعض ناس تعرف النور .. بس تقول مـا تعرفـه

تعبت .. وقلت كل إللـي أظنـه "يا,,,,," ينقـال

تعبت أبغا ألقط أنفاسـي .. إذ لابـد مـن وقفـه
.
/
.
،
.
للعذب ابو ريناد
مساعد الرشيدي

الله على هذا الاختيار يابو عبدالرحمن
رائع في كل ماتكتبه بأناملك
وراقي في ذوقك ،.،

بارك الله فيك ابا عبدالرحمن وكل عام وانت ومن تحب بخير

وصح لسان الرشيدي

صح لسان ابو ريناد
وصحه وعافيه لمن اختار
اختيار موفق ومييز وجزل وعذب
شكراً استاذي على هذا الذوق الرفيع
والاحساس بالشعر والكلمه العذبه وتقبل
حبي واحترامي

صح السان ابو ريناد
يعطيك العافيه علي الأختيار الطيب

ذائقه رائع للغايه
ورفيعه وراقيهاهنئك عليها
ياعبنش الابداع والفكر