وينك يالفرج ..لـ صالح الشادي

السلام عليكم ورحمة الله وبركاته

اخترت لكم.. {وينك يالفرج }..للشاعر المبدع / صالح الشادي
أتمنى أن تحوز على رضاكم .

(1)

يوم ضاقت ..

قلت وينك ياالفرج ..؟
قال : جيت ..
وشفت حولك ألف صاحب ..
وخفت أسبب لك حرج ؟!

( 2 )

إرتكيت ..
بس وين إللي يشيل الحمل وينه ..
وين ذاك اللي ذخرته للظما قطرات وينه ؟
وين أبو الفزعات عني ..
ما قدرت ألقاه وينه ؟
من لمحني فوق كف الموج ..فض
وكسّر ألواح الرجا بيني وبينه ؟!

حزّ نفسي ..

غص في حلقي ورض
كل ضلع لي معاه .. وغض عينه؟! .
يحسب إني مت هم ..
ولا درى إني حيْ لكن ..
مِت من خنقة يدينه؟!

( 3 )

يالفرج :

صاحبي ما شفت زوله..
من فقدته يوم شده ..
بس لوجاني على قلعة عيوني ..
حالف إني ما أرده .
والموّده يالفرج هيّ الموده ..
صاحبي .. مالي بصده
صاحبي روحي عرينه ..
ولو نصاني والنواصي عشب قبري ..
والله إني غصب لأحيا ..
ثم أعينه

( 4 )

إرتكيت

وطحت
( والجلمود ) ناخ .
آه يا كذب الليالي البيض ..
آه يا ظلم السباخ ؟!
من مشاها ولا وراه زنود تبري الكبد ، داخ .
يا كثر ما خيـّبت ظن اللبيب
ويا كثر ما غيـّبت وجه قريب
ويا كثر ما شاف منها ..
صافي النية وشاخ ؟

إرتكيت ..

وأثر ظلي مايمون ..
وأثرني كومة طعون
من غلاة أصحابها ..
ما قدرت آقول : آخ .

( 5 )

لي مبادي ..

وصـــاحبي لو جار منْه الجور عادي
وصاحبي لو هو خذل رجواي عادي
وصاحبي لو هو بخل برضاي عادي
وصاحـبي لو هو قتل ذكراي عادي
وصاحبي ..
يبقى العزيز الناصع إللي له ودادي

ودام أنا ستره وثوبه

صاحبي ما آقول عنْه أبدا وتوبه
يا هلابه
وبعيوبه
وبذنوبه
يا هلا ..
إن وصلني يا هلا ..
وإن قطعني يا هلا ..
صاحبي وإلا فلا .. وإلا فلا
والغلا نعمة كريم وساقها لكل الملا .

ودام لأهل الأرض رب ..

يا الفرج : حاول تحب
ولو تشوف أصحاب واجد حول قلبي ..
لا تعاند
السواعد من سراب ..
والحصايد من يباب
والشِعر كذاب .. ؟

خل فـتـّال الشوارب خاذلينك ..

ولا تخاف من الحرج .. لو قيل وينك ؟
كلهم مثلي تراهم بالنهاية طالبينك ..
طالبينك يالفرج ..
ويوم ضاقت ..
قلت : وينك يالفرج ..؟!
قال : جيت .. وشفت حولك ألف صاحب ..
وخفت أسبب لك حرج .

تحياتي

دندنه

مبهرة في حضورك ,,،
ومبدعه حتى في انتقآئك ,,،،

المشاركة الأصلية كتبت بواسطة اميرة الورد

دندنه

مبهرة في حضورك ,,،
ومبدعه حتى في انتقآئك ,,،،

الإبداع يكتمل بتواجدك
بيلسانة لروحك يانقاء

شكراً جزيلاً

جميل الشادي .. وجميل هذا الإختيار

المشاركة الأصلية كتبت بواسطة جزاء السلطاني

جميل الشادي .. وجميل هذا الإختيار

والأجمل حضورك

ممتنة لسموك

شعور وشاعر نبيل


الرحيل لكِ ذائقة وأيِّما ذائقة

المشاركة الأصلية كتبت بواسطة تراتيل

شعور وشاعر نبيل


الرحيل لكِ ذائقة وأيِّما ذائقة

تراتيل
اشكرك تواجدك أسعدني

و
باقة عطر

يلزمك صالح الشادي بقراة كامل القصيده
وتلزمك دندنه بإنتظار مواضيعها الجديده
تحياتي

المشاركة الأصلية كتبت بواسطة الملثم السلطاني

يلزمك صالح الشادي بقراة كامل القصيده
وتلزمك دندنه بإنتظار مواضيعها الجديده
تحياتي

أهلاً الملثم

ممتنة لحضورك الراقي
تحياتي

،الله الله
مبدعة دائمآ...
الله يعطيك العافيه
لآعدمنآآ وجودك ~
دمت بخير ’~!