المال مايدفن مع الناس بقبور

بسم الله الرحمن الرحيم

بديت ذكـر الله علـى كـل مذكـور00الواحـد اللـي بالسمـاء معتلينـا

لاضاق صدري جبت للنـار جثمـور00وشبّيْـت للـي مثلكـم حاضريـنـا

قم سوّ فنجالٍ مـن البـنّ مقصـور00وكثّـر بهـار الهيـل حتـى يبيْنـا

واحرص على ما يقال لا يقال مذمور00إلاَّ وليـش بحمْسـتَـه مخْمْليـنـا

ليا صار صافٍ ماه والتَّـول منثـور00ومنزّهاتٍ عـن دنـس كـل شيْنـا

وليا انطلق من مذْلقَهْ تقـل حيمـور00أو دمْ جوفٍ وانْمـزعْ مـن وتيْنـا

وان صار لك في نيّة الخير مقـدور00وداعَـتـك لاتـتـرك الشّبْتـيْـنـا

شبَّت عَقَاب الظّهْر ومع فجّتَ النّـور00للضيـف ولجيرانـنـا اللازميـنـا

مـرٍّ يبَـدِّلْ ربنـا العسـر بيسـور00ومـرٍّ ندنّـق عـن رفيـقٍ يجينـا

ومرٍّ يمرّ بك الرّجـل تقـل مجـدور00من القلّ ما نقْـوا علـى طبْختيْنـا

ومرٍّ خـروفٍ للمشاكيـل مجـزور00وصيَّنيـةٍ تنقـل علـى محْتريـنـا

وصيّةٍ خذْهـا ليـا نفْخَـت الصّـور00الشَّح مـا يـودع ضعيـفٍ سمينـا

والمال ما يدْفن مع النّـاس بقبـور00ولاينفّـد الأمـوال مــدّ اليديـنـا

وما نفّدت يمنـاك قـدّام لـك نـور00واللـي تخلَّـف فـرض للوارثينـا

والضيف ضيف الله ما عنه مذخـور00الله يجمّـل ويسـتـر المستحيـنـا

الضيف لاجانا من السّـوق مجبـور00نضحـك بوجهـه عدّنـا شايشينـا

نشري قراهم والمساعـر هكالـدور00الحَـبّ صـاع والرّطـب وزنتينـا

ليا جاك هتّاش الشتا تقـل مصقـور00من البـرد عـدّه تطـرده سربتينـا

ليا هبّت النكبا على راعـي الكـور00بردَه شطيـر وهـم لهـا ناطحينـا

حطّوا حطب خلّوا سنا النار مذعـور00ليا استانسوا قالوا هذا اللـي هقينـا

بدلالْ ما عنهن سنا النـار مقصـور00ولاتحتمـل مـن دونهـن طقتيـنـا

فنجالهن يا شْـفّ ماقيـل مذمـور00الله يقويـنـا عليـهـن سنـيـنـا

وأرجي ليا منّه نوا الوسـم ببـدور00يعـلّ برقـه فـوق أهلنـا يبيـنـا

ويا جاء الخْيَال أبيت أنا الليل مسرور00وأطلـب ياعـلَّ الله يمطـر علينـا

نجذب قراح مشمْرخة كـل عنقـور00نسقي الغريس ونفرح اللـي يجينـا

تمّ الكلام وان كان أنا قلت بـه زور00ياغـافـر الــزلاّت للمذنبـيـنـا


قصيده سلطان ابن جلعود العنزي الله يرحمه راعي سميراء
هجره قريبه من مدينة حائل


عندما اشتكى له ابنه بأن احد ابناء اهل المحافظين على جمع المال
ان ابيه اكثر مال من ابن هذا الطيب المكرم الذي لا يكون المال متوفراً
في جميع الاوقات واراد ان يشرح الوضع لابنه ولاهل الامساك0000

شكرا لكــ على النقل الرائــع

المشاركة الأصلية كتبت بواسطة الأناضول

شكرا لكــ على النقل الرائــع

كل التقدير والاحترام

شكرا على النقل أبو يوسف

المشاركة الأصلية كتبت بواسطة أبـو نــواف

شكرا على النقل أبو يوسف

هلاااا وغلااااا

ابو نواف

كل الغلاااااا

الله يعطيك العافيه

المشاركة الأصلية كتبت بواسطة ملك السلاطين

الله يعطيك العافيه

الله يعافيك


اخي

ملك السلاطين


كل التقدير والاحترام

شكرا ع النقل والله يعطيك العافيه

المشاركة الأصلية كتبت بواسطة &لحظة سراب&

شكرا ع النقل والله يعطيك العافيه

يعافيك ربي

لحظة سراب

وكل التقدير والاحترام

:Islam_s_148:

ياسلام عليك ابويوسف نقل جميل للقصيدة الجميلة والله يعطيك العافية وص لسان شاعرها رحمه الله