اقتراح لكل سلطاني ؟

بسم الله الرحمن الرحيم
السلام عليكم ورحمة الله وبركاته


اسعد الله اوقاتكم اخواني ابناء عمومتي .

لماذا لا نهتم في امور السلاطين ونضع لنا صندوق لحتياجاتهم الخاص على سبيل المثال .

العرس او او يتسلف من الصندوق ونساعد العوائل المحتاجه في السلاطين

ويخضع الصندوق على اسس معينه وشروط بحيث على كل موظف مية ريال من كل شهر

وفكرو في كلامي من عدة طروق اولها لما تذهب للمعرض وتاخذ سياره اقساط ويحسبها عليك بالدبل

ولكن الصندوق المبلغ اللى تاخذه نفس المبلغ يرجع لصندوق وهكذا نصبح قويا في انفسنا فخورين في السلاطين





اخوكم صافي النيه

مشكور اخوي صافي النية ولله يصفي نيتك وعطيك على قد نيتك على الاقتراح بس انت تقول يتسلف من الصندوق واذا اخذ كل واحد من الصندوق افلس وان الصندوق يوضع للاحالات الطارئية لاسمح الله مثل حادث اودية بدل ماياخذ سيارة ويتبهذل يتسلف من الصندوق حتى تجمع الدية وترجع الفلوس لصندوق

وامرهم شورى بينهم

وهذا اقتراح

وعلى الجميع التفاعل مع الموضوع

الفكــره جيــده ../ وعلى مآأعتقـد لـن يخســر كل سلـطاني اذا دفـع مئة ريـال أو مايقـاربها ، مقـابل احتياجـات قبيـلته.

الفكره نبيله جدا والافكار كثير ... ولكن الصعوبه تكمن في التنفيذ .... فكالعاده الكل يرحب بمثل هذه الافكار .. ولكن عند التنفيذ يبدأ الاختلاف والكسل .... والامل كبير بجيل الشباب من السلاطين ( تراني ماني شايب لاتفعمون غلط)

الفكرة جيدة ولاكن هناك كثير من القبايل عملت هذا المشروع ولم يكتب لة النجاح لاسباب كثير وأهم هذة الاسباب حسب راى المتواضع 1-أن تكون الأنفس صافية 2- أن يوضع لة شروط ترضي الجميع 3-أن يوعهد بة لشباب ثقة من أفراد القبيلة 4- أن يكون الصرف بالدرجة الاولى للحالات الانسانية 5- أما موضوع السلف فسوف يفتح باب لايمكن أغلاقة0

وتقبلوا تحياتي

افكار طيبه وكلنا معاكم
وعين غطه وعين فراش للسلاطين وكل سلاطين الكويت معاك

أنا ضد الفكرة والسبب في إعتقادي لأنها سوف تسبب من المشاكل أكثر مما تفيد ,وكما قال سلطاني بريطانيا المشكلة في التنفيذ ,كلنا نريد الخير ونود أن لا يحتاج أي سلطاني ونريد أن نساعد كل أبناء قبيلتنا ونتمنى مساعدة محتاجي القبيلة ولكن هذه الطريقة ستجلب الضرر أكثر من النفع .
أنا شخصيا أساعد الأقارب الخاصين لدي ولله الحمد ,ولو كل عائلة أو فخذ إهتموا بمحتاجينهم لكان أفضل من فكرة الصندوق ,ثم لا تنسى بعض العوائل ستقول أن القطية على البيوت وليس على الموظفين لأن لديهم الكثير من الموظفين وهذا ظلم وغش وخداع للقبيلة .
عموما يعطيك العافية وأشكر لك صدق نيتك وأرجو منك تقبل رأيي المتواضع .

انا اشكركم على الردود ولـــــــــــــــــكن
اول انا كتبت الفكره على عجاله من امري ولكن راح اسوي دراسه شامله للموضوع ....
واحب اوضح للاخوان لاتفكرو في المشاكل وفكرو في التنفيذ اول شي يعتمد عليه الصندوق من كل منطقه رجل واحد وفتح حساب باسم السلاطين وصدقوني الدنيا بخير وفيه رجال نعتز بهم كثيرا وانا شخصيا اثق في رجال السلاطين كثيرا والله يعطيكم العافيه سلاطين الكويت دايم سباقين في كل شي وانا عارف اين توجد المشكله ؟ المشكله فينا حنا تدرون ليش لانا نفكر الا بالفشل ولا نفكر بالنجاح .
الموضوع سهل وسلس ولكن انا راح اوضح الفكره لكم كامله بس عطوني فرصه

اقول معلي من الكلالالام وربي الفكر ممتازهـ وعين العقل يعطيك العافيه ياصافي وربي اسمك اسم على مسماى مقصرة ونيتك صافيه وبيض الله وجهك وانا معك الفكرهــ ممتاازه بس التنفيذ بطيى ويكفي اهل الكويت معك كما قال اخوي عبد الرحمن عزيز بن قنفذ الكويت معك وانا معك بعد


اخووووكـــ///اســـــــآمــــــــه

اقول معلي من الكلالالام وربي الفكر ممتازهـ وعين العقل يعطيك العافيه ياصافي وربي اسمك اسم على مسماى مقصرة ونيتك صافيه وبيض الله وجهك وانا معك الفكرهــ ممتاازه بس التنفيذ بطيى ويكفي اهل الكويت معك كما قال اخوي عبد الرحمن عزيز بن قنفذ الكويت معك وانا معك بعد [/color]




مع تحياتي :أبــوســلــطــان