الطيب فرصـه والجمايـل توافيـق

السلام عليكم ورحمة الله وبركاته
صبحكم الله بالخــير
انتقيت لكم هذه القصيدة الرائعة للشاعر/سعد بن شفلوت

الطيب فرصـه والجمايـل توافيـق
.........ومن لاتوفق ماكتِـب لـه جمالـه
ومن لارقى للطيب روس الشواهيق
,,,,,,,,.مازان لـه وقتـه علـى مابدالـه
وما دام لفعول الجمايل عشاشيـق
..........كسب الجمايل مايجـي بالسهالـه
ولو انها تشرب مـع فكّـة الريـق
.........كلٍ خذاله كـل مـا أصبـح بيالـه
والطيب منوه للقلـوب المشافيـق
.........كـلٍ يتـوق ومنوتـه راس مالـه
والمدح مايزهى على الرجل ويليق
..........الاّ لاصـارت وافيـات ٍ خصـالـه
يستاهلـه رجـل ٍ يفـكّ المزانيـق
..........اللـي يقـال ونعـم لاجـا مجالـه
ومن ساقته نفسه وهو مابعد سيق
.........لأجـل الجميـل يزيّـن الله فالـه
والمرجله ماهي بتحتـاج تنسيـق
........من بين قلب اللي عشقهـا وبالـه
ومن عادة الدنيا تخـون المواثيـق
.........تفتـرّ مكرتهـا سـواة المحـالـه
ولولا اللوازم ماعرفنـا المخاليـق
.........مانعـرف الرجّـال ليـن انعنالـه
والكفؤ تظهر فزعته حـزة الضيـق
..........وينشاف في الشده بعيـن العدالـه
نسل الرجـال متّعبيـن الملاحيـق
..........متوسط مـن بيـن عمـه وخالـه
واللي يطيق ولا بغى قال ما أطيـق
.........تحرم عليـه المرجلـه والشكالـه
والهيّنه تكبر على اللاش والهيـق
..........له في الرخاء قاله وفي الضيق قاله
والطيب شاره والضماير صناديـق
..........والـلاش طيبـه ماتعـدّى ظلالـه
وأنا أسبر قلوب الرجـال المغاليـق
..........والصامت أقطع غايته مـن مقالـه
ومادام في الدنيا رجـال ومطاليـق
..........نصيتهـم والـلاش مالـي ومالـه

بوركتي اختي

والطيب شاره والضماير صناديـق
..........والـلاش طيبـه ماتعـدّى ظلالـه

عزالله وصف

والهيّنه تكبر على اللاش والهيـق
..........له في الرخاء قاله وفي الضيق قاله

الحقيقة ابيات جميلة جداً، من شاعرفحل.
نقل مميز.

المشاركة الأصلية كتبت بواسطة ابو فايز

والهيّنه تكبر على اللاش والهيـق
..........له في الرخاء قاله وفي الضيق قاله

الحقيقة ابيات جميلة جداً، من شاعرفحل.
نقل مميز.

اشكرك لك حضورك الراقي

المشاركة الأصلية كتبت بواسطة انساااان

بوركتي اختي

والطيب شاره والضماير صناديـق
..........والـلاش طيبـه ماتعـدّى ظلالـه

عزالله وصف

وفيك يارب
شكرا لتواجدك الطيب

شكرا دندنة الرحيل والله يعطيك العافية وبارك الله فيك

أبيات جدا جميلة وجدا وافية وصح لسان كاتبها


وننتظر المزيد من الدرر

كل التقدير والاحترام

المشاركة الأصلية كتبت بواسطة ابو جنيب

شكرا دندنة الرحيل والله يعطيك العافية وبارك الله فيك

أبيات جدا جميلة وجدا وافية وصح لسان كاتبها


وننتظر المزيد من الدرر

كل التقدير والاحترام

شكرالك على طيب الحضور