كتبت الشـــعــــــر مــــو لجلـك ولكــــــن فـاض بـي
بركـــان واما انت فلا تسوي قصيده في نظر عيني
حلفت لي تصونـي إذا صـار الزمــــــن خــــــوان
وأول مــــــا عثـر حظـــــي علـى دربـــــك خذلتنـي
كسر رمح الزمـــــن صدري وجيتك اشتكي حيـران
نزعت الرمـــــح من صدري وفي ظهري طعنتنـي
خســــــــااااره كييـف حبيـتك؟؟! نعـم والله ندمـــان
غـــبــــــــي أدري نعـم ادري مـا دام انـك سكنتنـي
سنـــــــه مـن عمـــــــري وانـا فـي لعبتـك غرقـان
أشيل الـــــشــوك من دربك وجرحـي كـان يدمينـي
وكنت أبكي إذا تبكي وأكـون لبسمتـك فرحـــــــان
وكنت اقرب من رموشك لعينـك يــــــــوم تطلبني
عرفتك للآسف صحـــــــراء وحولتـك إلـى بستـان
وشلتني غصن أخضـــــر وفي صخرك زرعتنـي
حفرتك داخلي وظني تصوني عشرتـــــــي أزمـان
وكنت أحفر قبر موتيــــــــ علـى ساحـل شرايينـي
على كف الشقا نامت جروحي والألـم سهـــــران
يحطمني .. يبعثرني .. وفي صحـراك يرمينـــــــــي
ولكن عــــزتـــــي تفـرض أكـون بدنيتـي انسان
وإن ظنك أجي أرجع لأجلــك... مـا عرفتنـــــــــي
انا ما عادتي اشحذ من أمثالك رضــــــا وإحسـان
امـــــــــــوت بـــعــــزتـي ارحـم ولا ذلــك يغطيـنـي
وما دام الوفــــــــــا عنـدك يـدور لـه علـى عنـوان
بدور لي على قلـب يصـــــــــــون الحـب وسنينـي
ولو قلبـي رجـع حَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي
ولو دار الزمــــــن ضدك وجيتـي تطلبـي الغفـران
وجبتي الشمــــــــس فـي كفـك لعندي..مـا بتلقينـي
تقول الناس في وصفك:جميل مثل بدر الزمان
وإنك أجمل وأحلى بشـــــــــر مخلـوق مـن طينـي
وإنك غالـــــي وأثمـن مـن الياقـوت والمرجـان
تقوم أكوان مـن أجلـك وتقعـد لـك بلادينـــــــــي
حــــــسافه غرهم شكلك ويـامـا تخـدع الألــــوان
عموماً .. بقت كلمة أخيرة لك على قلبي وسمعني
إذا كنت بنظر غيري مـــــلاك على هيئـة إنسـان
قسم بالله ما تسوي شعـــــــره مـن رمـش عينـي
06-05-2010, 10:37 PM
عـــزتــي فــوق كــل شـــي
(مشاهدة الكل)
الأعضاء الذين شاهدوا الموضوع : 0
العرض المتطور