آسـف علـى التأخيـر

مساء الخير هالمره بـلاش آسـف علـى التأخيـر
مـدام الـرد بعيونـك دمــوع فـكـل تأخـيـره


ثقل دم العذر ، والا كسـح وجـه الخطـا تبريـر
مدامك عارفـه طبعـي . أجـل وشولـه الحيـره


ترى ماجيت لجل اسمع سواليفـك عـن التقصيـر
أعرف ان الخطا منـي (بـلاش نعيـد هالسيـره)


انـا وانتـي بهالدنيـا تحملنـا بعضـنـا كثـيـر
تعوّدتي على عنـادي ، وصـرت آحـب هالغيـره


انا وانتي حكايتنا مثـل : صـدر السمـا والطيـر
كثيـر اللـي يطالعهـا ،، ولحـدٍ طالهـا غـيـره


انا وانتي حكايتنا .. مثـل لعبـه ، وطفـل صغيـر
مـع انـه دوم يهملهـا رفـض يسمحبهـا لغيـره


انا وانتي .. وش اوصفلك ؟ عجز عن وصفنا تعبير!
مثل ! مدري ! مثل وشو ! ولكن صعـب تصويـره



انا وانتي بـلاش انتـي أنـا لـو بفقـدك شيصيـر
ومجـرد طـاري الفرقـا علـي ياصعـب تأثيـره


أحبك ؟ ايـه أحبـك .. ذي بعـد يبغالهـا تفكيـر
يخلـف الله علـى عقـلٍ ملكتـي كــل تفكـيـره


تعالي .. نحترم ( شيبة غلانا ) .. لعنبو التصوير!!
تعالـي نغتنـم فرصـة لقانـا دامهـا قصيـيـره


ومساء اللي تبي ، حاضر ولاتزعل ( صباح الخير )
أنا كـل يـوم بتأخـر .. اذا فـي دمعتـك خيـره

يعطيك العافيه

منسدح

المشاركة الأصلية كتبت بواسطة أبـو نــواف

يعطيك العافيه

منسدح

يعااااااااافيك ربي

شكرا جزيلا .

المشاركة الأصلية كتبت بواسطة يــزيــد

شكرا جزيلا .

هلا لالالالالا فيك

مشكور ويعطيك الف عافيه

المشاركة الأصلية كتبت بواسطة بوطلال السلطاني

مشكور ويعطيك الف عافيه

يعاااااااااااااافيك ربي

شكرا لكــ أخي

المشاركة الأصلية كتبت بواسطة الأناضول

شكرا لكــ أخي

عفواااااااااااااا

مشاء لله عليك اخوي منسدح مبدع لا هنت ع الطرح