يـــــــــا أمي الحبيبه!!

يمه فديتـك مـن همـوم الليالـي
يمه عسى ما شـر شفتـك تونيـن

يمه خذي مالـي واخـذي حلالـي
يفـداك يـا يمـه وأنتـي تعرفيـن

يمه تـرى منسـى خيالـك قبالـي
يمه خيالك مسكنـه داخـل العيـن

إليا سمعت الصـوت ينسـر بالـي
وانسى هموم الوقت وانسى الدواوين

يمه ترى الجنـه معـك والمعالـي
يمه قدم رجلك أحطه علـى العيـن

أذكـر زمـان اول وانـا فالدَلالـي
أذكر تعبتي معـي وانتـي تربيـن

من كثر ما ركض من يمين وشمالي
واتعبك ما همي سوى اللعب تدريـن

وتقولي اجلس يـا وليـدي ومالـي
وانا مع الشارع ولعـب الوراعيـن

احيان اقول إنـي صغيـرٍ وسالـي
العب مع الجهال لعـب الشياطيـن

يوم اتذكر وش جرى فـي خيالـي
مدري عن الأيام وشلـون تمشيـن

يوم إني اكسر خاطـرك مـا ابالـي
ما همنـي يمـه صغيـر ومسكيـن

واذكر زماني يـوم اشـق الريالـي
يوم الهلل والقرش يسوى الملاييـن

يا حسرتي يا وقتي اللـي مضالـي
يوم(م) اشوفك طول الأيـام تبكيـن

مدري مـرض ولا همـوم تصالـي
مدري تعب مدري كثر ما تحسيـن

يمه عسى روحـي وحالـي ومالـي
فدوه لدمعـك يـوم للدمـع تخفيـن

يمـه لـو الأيـام تشـرح سؤالـي
سألت أنا الأيام وينـك وانـا ويـن

وسألت دمعـك يـوم بـل الشيالـي
يا دمعة تسـوى كنـوز السلاطيـن

وسألت حر الشمس ويـن الظلالـي
وسألت قمرى الليل ما نورت زيـن

يمه أبي منـك السموحـه ولا لـي
مطلب سوى تعفين عني وترضيـن

واخذي مـن الدنيـا ودوك العيالـي
أنتي لنـا الراعـي وحنـا رعييـن

وستأذنك وقتى تـرى مـا صفالـي
ادعي لمن ضاقـت عليـه الفلاتيـن

ادعـي لمنهـو بيـدتـه الليـالـي
عسى زمان راح يرجـع وترضيـن

وصلاة ربـي عـد رمـي النبالـي
على نبـيٍ وضـح الحـق والديـن

امي مهما كانت المسافات بعيدة بيننا ستظلين دائما معي وفي قلبي الذي ملئتيه انتي بحنانك وحبك ..................................... يازهرتي الغاليه ******* احـــــــــــــــــــبك***

كلمات معبرة ودافئة تحمل بين طياتها اصدق المشاعر نحو الحب الابدي
صح لسانك واعتلا شانك

شكرا لجمال احساسك
و
بشوق لمصافحة جديدك

الأروع حضورك الجميل

مرورك الجميل يضفي جمالا على حروفي



لاااقدر علي وصف تألقه



سيدتي الغاليه




نورتي متصفحي



لك مني اجمل تحيه

تشرفت بوجودك



احترامي