ألف غصن من اليباس ..فز لاجلك .. وانثنى ..

ألف غصن من اليباس ..فز لاجلك .. وانثنى ..
اكسري الاوهام كاس ..
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
أنا لو ابي .. خذتها بيدها و مشينا !!!




آه ما ارق الرياض...
*********

من روائع بدر بن عبد المحسن
تلامس الوجداان فعلاً ...
.
.
.

والآن اترككم مع القصيدة كاملة ..
.
.
.



في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديله من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا الف ليله..
وفي الهبوب ..
انثنينا يا هبوب النعاس .. والحلم ..
ألف غصن من اليباس ..فز لاجلك .. وانثنى ..
اكسري الاوهام كاس ..
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيدها ..ا ومشينا ..




***
يا نصيبي من الصور .. والرسايل
ومن كل شمس قايمه .. ومن كل ظلٍ مايل ..
يا مكاني من البيوت ..
ومن الصحاري اللي .. فرقت فكري قبايل ..
اقبلي مثل ديم ..
مثل نارٍ في هشيم
من غصون الضي .. من ليل الغضا
وبين ما خلى النخيل من الفضا ..
وما نسى الغيم ..
ألف غصن من اليباس ..فز لاجلك .. وانثنى ..
اكسري الاوهام كاس ..
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيدها ..ا ومشينا ..

***
وين احب الليله .. وين أهيم ..
ارفعي طرقة الشيله .. عن سديم ..
وعن شموس و كوكبٍ وهاج ..
اقطعيني بنصل طرفٍ سادرٍ وحجاج ..
شقيقيني يالرياح العارضية ..
لين أغني للهوى والهوى ما هو خطيه..
ألف غصن من اليباس ..فز لاجلك .. وانثنى ..
اكسري الاوهام كاس ..
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..


خذتها بيدها .. ومشينا ..

ياسلام على الاختيار

الله يعطيك العافية

إقتباس:
المشاركة الأصلية كتبت بواسطة ملك السلاطين
ياسلام على الاختيار

الله يعطيك العافية





يعافيك ربي ياغااااااااااااااااااالي

بوركت اخي


((( اخوي وين المشاركه ضيف انية الجفاف بارك الله فيك
نسيتنا ياشين ليه عسى ماشر)))

الأمير الشاعر بدر..
هو من روّاد الشعر الغنائي بالخليج,كلماته فيها سلاسه,ولها رونق خاص,وفيها عذوبه ,وصفاء.

كل الشكر والتقدير لك اخي الحبيب..

الله الله ....
اخ ــتيااار في[.. غاية العذووبه ..].
[..أشكركـ..] على رووعة الإنتقاء
وبـ ..[ شووق لجديدكم


موودتي

ذائقه مليئه بالعذوبه

.
.
احسنت بما انتقيته . حروفاً رطبه